50 milioi adingabe desplazatu zituen gerrak iaz, inoizko kopururik handiena
Save The Children gobernuz kanpoko erakundeak jakinarazi du 2023an 50 milioitik gora adingabe desplazatu zituela gerrak munduan (guztira, 143 milioi pertsona desplazatu zituen), "inoizko gehien", eta "2010ean halako bi".
Sudan, Somalia, Kongoko Errepublika Demokratikoa, Afganistan, Birmania, Ukraina, Etiopia, Hegoaldeko Sudan, Gazako Zerrenda, Turkia eta Siria izan ziren herrialde kaltetuenak (azken biak lurrikarengatik). Hain zuzen ere, herrialde horiek bizi izan zituzten iazko hamar krisi gogorrenak.
"73 pertsonatik bat bere etxetik urruti bizi da munduan, halabeharrez desplazatu behar izan delako, dela gatazka baten ondorioz, dela klimarekin lotutako hondamendi batek behartuta. Gainera, Gazan, Sirian eta Kongoko Errepublika demokratikoan urtean behin baino gehiagotan utzi behar izaten dute "bizilekua" askok eta askok, Save The Childreneko zuzendariaren esanetan.
Oinarrizko zerbitzuak galtzen dituztenean, zailtasun ekonomikoekin hazten dira adingabeak, eta delinkuentzia, haurren lana, sexu esplotazioa eta talde armatuetako jarduna areagotu egin dira horien artean.
"Estatistikak ikaragarriak badira ere, nahitaez etxetik alde egin behar duen adingabe bat ez da zenbaki bat soilik. Ziurrenik, sekula bizi behar izan ez zuen indarkeria motaren baten lekuko izan da. Umeek etxea galtzen dutenean, ia dena galtzen dute: osasun zerbitzuak, hezkuntza, elikadura eta segurtasuna", erantsi du aipatu iturriak.
Dena den, Save The Childrenek ohartarazi du desplazamenduen berri ematen denean, ez dela umeen egoera kontuan hartzen, eta horrek zaildu egiten duela haien "beharrak" ezagutzea, eta horrenbestez, "haurrei zuzendutako politikak garatzea".
Zure interesekoa izan daiteke
Trumpek esan du ez duela uste AEB Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.