Europar Batasunak Errusiari izoztutako ondasunak erabiliko ditu Ukraina armatzeko
Europar Batasuneko (EB) estatu kideak aurreakordio batera iritsi dira gaur, Europan izoztutako Errusiaren ondasunek sortutako etekinak laguntza militarrera eta Ukrainaren berreraikuntzara bideratzeko neurriei buruz.
Sare sozialetan zabaldutako mezu batean, EBko Kontseiluko Belgikako Presidentetzak iragarri du blokeko enbaxadoreek akordioa lortu dutela Errusiaren Banku Zentralak Ukrainari laguntzeko Europan ibilgetutako ondasunak erabiltzeko, Kiev babesteko beste urrats batean.
Joan den martxoan Europar Batasuneko Kanpo Politikarako goi-ordezkari Josep Borrellek Errusiako ondasun ibilgetuek sortutako 3.000 milioi euro inguru erabiltzeko planteatutako ekimena babesten du itun honek, dirua uztailetik aurrera bideratzen hasteko helburuarekin.
Gerrari dagokionez, Ukrenergo Ukrainako elektrizitate enpresa publikoak Kieven kontrolpean dagoen lurralde osoari eragin diezaioketen programatutako argindar mozketak egon daitezkeela ohartarazi du gaur, Errusiak goizaldean sei eskualdetan elektrizitatea sortzeko azpiegituren aurka egindako erasoak eragindako kalteak direla eta.
Ukrenergoren arabera, Ukrainako energia-sistemaren aurkako bosgarren eraso handia izan da martxoaren 22tik. Errusiak Ukrainako zentral garrantzitsuenetako batzuk erabat suntsitu ditu azpiegitura elektrikoen aurkako bonbardaketa-kanpaina hasi zuenetik.
Ukrainako Energia Ministerioaren arabera, Moskuren eraso uholde berri honek kalteak eragin ditu argindarra sortzeko eta banatzeko azpiegituretan, Lviven, Vinitsia eta Ivano-Frankivsken (mendebaldea), Poltavan eta Kirovograden (erdialdea) eta Zaporizhian (hego-ekialdea).
Dozenaka mila herritar argindarrik gabe geratu dira Ukrainako hainbat eskualdetan erasoaren ondorioz, nahiz eta 50.000 inguru argindarra berreskuratu sektoreko langileek hornikuntza berrezarri ondoren, gehienak mendebaldeko eskualdeetan, Energia Ministerioak jakitera eman duenez.
Ukrainak Errumaniatik, Eslovakiatik, Poloniatik, Hungariatik eta Moldaviatik energia elektrikoaren inportazioa martxan jarri du argindarra eskaintzen jarraitu ahal izateko.
Zure interesekoa izan daiteke
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.