Trumpek Etxe Zuriak antolatutako "iruzurtzat" jo du epaiketa
Donald Trump AEBko presidente ohiak gaur adierazi duenez, Stephanie Clifford zinema pornoko aktoreari ordaintzeko kontu-liburuak manipulatzeagatik ezarritako zigorra Etxe Zuriaren aginduz antolatutako "iruzur" epaiketa baten ondorioa da, eta ustezko manipulazio hori "legezko gastua" dela defendatu du.
Trumpek iragarri du bere abokatuek epaiari helegitea jarriko diotela, argudio ugaritan oinarrituta. Horien artean, "ez ziguten lekukoak ekartzen utzi, ez ziguten hitz egiten utzi, ez ziguten ezer egiten utzi. Epailea tirano bat izan zen", adierazi du, Juan Merchan epaileari erreferentzia eginez.
Agintari ohiak ziurtatu duenez, Washingtonek zuzendutako sare batean harrapatuta dago, eta horren inguruan ezingo luke nahi duen guztia esan, oraindik isilik mantentzeko agindu "zikin" baten menpe baitago.
New Yorkeko Trump Dorrean egindako agerraldian, Trumpek ziurtatu du epaiketak ez duela eraginik izan azaroko hauteskundeei begira dituen aukeretan; izan ere, "faborito nagusi" izaten jarraitzen du, nahiz eta Etxe Zuriak eta Joe Biden AEBko presidentearen "gertukoek" presio "faxistak" egin. Horrela, bere ondorengoaren paper zuzenari buruzko zalantzak agertu ditu, "ez baita ezertaz enteratzen".
Osteguneko zigorrari dagokionez, Trumpek berretsi du egin zuen gauza bakarra "abokatu bati gastu legal bat ordaintzea" izan zela, eta, ondorioz, "aditu legalek horrela jaso zuten kontu-liburuetan", eta salatu du prozesuan zehar bere aldeko hainbat lekukoren "gurutziltzaketa" ikusi duela isil-isilik, "kanpotik aingeru bat ematen duen, baina barrutik deabru bat den" epaile batek baimenduta.
Agintariak, gainera, beti lekukotza eman nahi izan duela berretsi du, baina ez duela egin bere abokatuen gomendioz. "Berdin zitzaidan zinaustea. Ez zait axola, herrialde honen alde gauza batzuk egin behar direlako. Hau Trump baino garrantzitsuagoa da, nire Presidentetza baino garrantzitsuagoa", adierazi du.
Trumpen aldeko 100 jarraitzaile inguru bildu dira New Yorkeko Trump Dorrearen aurrean, presidente ohiak ebazpenaren inguruko prentsaurrekoa eskaintzen zuen bitartean.
Ezkortasuna nagusitu beharrean, bertan bildu diren jarraitzaileak ziur agertu dira epaileak agintari ohiari ez diola kartzela-zigorrik ezarriko uztailaren 11n, baina kontrakoa gertatzen bada, mobilizazioak izango direla ohartarazi dute.
"Espetxeratzen badute, urtarrilaren 6an gertatutakoa (2021ean, Kapitolioaren aurkako erasoa gertatu zenean) haur-jolasa izango da", esan dio Dionek EFEri. Harro onartu du Washingtonen izan zela, Trumpen aldekoak Joe Bidenen izendapena eragozten saiatu zirenean, eta FBIk "fitxatuta" duela gaineratu du.
Biden: "Inor ez dago legearen gainetik"
Joe Biden AEBko presidenteak epaiaren harira esan duenez, "inor ez dago legearen gainetik", eta "arduragabekeria eta arriskutsua" iruditu zaio Trumpek erabakia iruzurtzat jotzea.
"Zuhurtziagabea, arriskutsua eta arduragabea da edonork esatea ebazpena iruzurra dela, soilik erabaki hori ez zaiolako gustatu", nabarmendu du buruzagiak Etxe Zurian egindako agerraldian.
Albiste gehiago mundua
Trumpen muga-zerga berriak indarrean sartuta, gerra komertziala hauspotu da
Gaurtik, oro har, % 15eko muga-zergak ezarriko zaizkiei Estatu Batuen merkataritza-bazkide gehienei, tartean, Europar Batasunari.
Putinekin eta Zelenskirekin "oso laster" biltzeko "aukera asko" daudela esan du Trumpek
Nolanahi ere, AEBko presidenteak esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.