Zer gertatuko da fumata zuria dagoenean?
133 kardinal hautesleek (laurogei urtetik beherakoak) lau bozketa dituzte programatuta ostegun honetan, horietako baten ostean Kapera Sistinoko tximiniak ke zuria botako duen jakiteko zain.
Kardinal batek gutxienez botoen bi heren lortu dituenean botako du tximiniak ke zuria eta aita santu izendatuko dute. Hori bai, ofizial egiteko, kargua onartu eta zein izen hartko duen esan behar dute.
Orduantxe iragarriko da jendaurrean nor den aita santu berria, eta tarte txiki bat izaten da San Pedro plazako balkoi nagusira agertzen den arte.
Aita santu izendatu berria Kapera Sistinotik inguruko gela batera joan dezala aginduko diote, Malkoen Aretora. Izan ere, bertan du zain erabili beharreko jantzia.
Gelak izen hori du aukeratua une batez lasai egoteko tokia delako; otoitz eta negar egiteko tokia ere bada, pilatutako tentsioa arintzeko.
Ganbera horretan kolore zuriko hiru jantzi luze edo sotana daude, hautatutakoaren altueraren araberako neurrikoak, baita lau elizatorra labur, muzeta eta bizkarreko more bat eta urre-koloreko dekorazioa duen estola purpura bat ere.
Era berean, nahi izanez gero, hainbat neurritako zapatak, fajinak, kordel bat eta urre-koloreko gurutze bat izango ditu.
Aita santu bakoitzak aukeratzen du, San Petrin, fededunen aurrean nola agertu. Esaterako, Joseph Ratzinger kardinal alemaniarra balkoira atera zen bizkarreko eta estolarekin, eta Jorge Bergoglio argentinarrak pieza horiek gabe agertzea erabaki zuen, eta zuri soilean agertu zen mundu aurrean, gurutzea bularrean zuela.
Protodiakonoak, Dominique Mamberti kardinal frantsesak, iragarriko du nor den aukeratua eta zein izen erabiliko duen Eliza gobernatzeko.
Ondoren, aita santu berriak hitz batzuk esango dizkie San Pedron daudenei eta "urbi et orbi" bedeinkazioa egingo du.
Albiste gehiago mundua
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.