Trumpek esan du dagoeneko erabaki duela Venezuelan zer pauso emango duen, baina ez du argitu zer egingo duen
"Drogen sarrera gelditzeko aurrerapen asko" egin dituztela azpimarratu du AEBko presidenteak, eta bere herrialdea ez dela "Hego Amerikako Gaza" izango erantzun dio Madurok.
Donald Trump AEBko presidenteak ostiral honetan esan duenez, dagoeneko argi dute zeintzuk izango diren AEBko Gobernuak Venezuelako eta Karibeko droga-trafikoari aurre egiteko egingo dituen hurrengo mugimenduak, baina ez du argitu zeintzuk izango diren.
"Ezin dizuet esan zer den, baina aurrerapen asko egin ditugu Venezuelarekin drogen sarrera geldiarazteari dagokionez ", esan du agintariak Venezuelarekin lotutako ekintzen etorkizunaren inguruan "erabaki bat" hartu duela berretsi aurretik, Bloombergek Air Force One hegazkinean jasotakoaren arabera.
Adierazpen horiek Nicolas Maduro Venezuelako presidenteak ostiral honetan bertan AEBko herriari "Karibera gerra bat eramatea agintzen duenaren esku zoroa gelditzeko" eskatu ostean etorri dira, Washingtonek narkotrafikoaren aurkako borroka aitzakia gisa hartuta eskualdean abiatutako operazio militarraren baitan.
Testuinguru horretan, Etxe Zuriko agintariak behin baino gehiagotan adierazi duenez, "zilegitasunik gabeko presidentea" eta "narkotrafiko sare bateko buruzagia" da Maduro, eta ostegun honetan. Latinoamerikako "narkoterroristen aurkako operazioa" baimendu duela iragarri du Trumpek, eta hegazkin-ontzi bat gehiago eraman du inguru horretara, jada 70 hildako baino gehiago utzi dituen erasoaldiaren barruan.
Nicolas Maduro Venezuelako presidenteak, berriz, erantzun du bere herrialdea ez dela "Hego Amerikako Gaza" bihurtuko. "Beste Gaza bat nahi dugu orain Hego Amerikan? Zer dio AEBko herriak? (...) Utzidazue ezetz esaten. Hemen bakea izango da garaile", adierazi du agintariak Venezuelako telebista kate publikoan.
NBEren esanetan, nazioarteko zuzenbidearen urraketak dira Washingtonek Karibeko eta Ozeano Bareko ontziei egindako erasoak.
Ameriketarako Bolibartar Aliantza (ALBA) ere mintzatu da horren inguruan, eta ohartarazi du "aurrekaririk gabeko ezegonkortasuna" egongo dela eskualdean AEBk "eraso militar bat abiatzeko jauzia" eginez gero.
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.