EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker 1.000 milioi euroko balioa duten muga-zergak kenduko dizkie Australiak EBko esportazioei. Merkataritzan ez ezik, defentsan eta segurtasunean ere elkarlanean aritzea adostu dute bi aldeek.
Ia hamar urteko negoziazioen ondoren, Europar Batasunak eta Australiak merkataritza libre akordioa sinatu dute.
Merkataritza itun horrek ezerezean utziko ditu EBtik Australiara egiten diren esportazioei aplikatzen zaizkien muga-zergak (1.000 milioi euro inguru), eta, aldi berean, Australiako esportazioek sarbide errazagoa izango dute Europako merkatuan.
Anthony Albanese Australiako lehen ministroak txalotu egin du "munduko bigarren ekonomia handienarekin" erdietsitako merkataritza akordioa.
"Australiaren eta Europar Batasunaren arteko merkataritza libreko akordioak merkataritzari eta inbertsioari jarritako oztopoak murriztuko ditu", adierazi du Albanesek, eta itunak 10.000 milioi dolar australiarreko (6.000 milioi euro) eragina izango du urtean herrialdeko ekonomiarentzat.
Australiak Europara esportatuko dituen produktuen muga-zergak ezabatu egingo dira, tartean, ardoarena, itsaskiena eta barazkiena. Halaber, lehen sektoreari lotutako hainbat produkturi (haragia, esnekiak, arroza eta azukrea) Europako merkaturako sarbidea erraztuko zaie, eta Australiako industria-ondasunak tarifarik gabe sartzea ere ahalbidetuko du.
Ursula von der Leyen Europako Batzordeko presidenteak, bere aldetik, bi aldeentzat onuragarria den ituna dela nabarmendu du.
Ildo horretan, Europar Batasunaren barne produktu gordina ia 8.000 milioi dolarretan handituko dela adierazi du.
Merkataritzan ez ezik, defentsan eta segurtasunean lankidetzan aritzea adostu dute bi aldeek.
Zure interesekoa izan daiteke
Gutxienez 66 pertsona hil eta 70 zauritu dira Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeramatzan istripua izan duenean. Guztira, 128 pertsona zihoazen hegazkinean.
EAEko osasungintzako hizkuntza-eskakizunak “eskumen nazionalak” direla ondorioztatu du Europako Batzordeak
Bruselak hala erantzun dio Espainiako herritar batek aurkeztutako ekimen bati. Horrek salatu zuen osasun-arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitatean eragina izan dezaleela.
Trumpek bost egun atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.
Libano hegoaldea ez da leku segurua, ez kristauentzat ezta musulmanentzat ere
Israelgo Defentsa ministroak iragarri zuen Libano hegoaldea Gaza bihurtuko zela, eta horixe ari da gertatzen. Libanoko kristauak harrapatuta daude, askok Beiruteko aterpetxeetara egin dute ihes, baina beste batzuek ez dute hiria uzteko asmorik.
EBren eta Mercosurren arteko akordioa maiatzaren 1ean sartuko da indarrean, behin-behinean
Gauzak horrela, merkataritza libreko ituna aplikatuko da martxoa amaitu aurretik akordioa onartzen duten Mercosurreko herrialdeen artean. Oraingoz, Argentina, Brasil eta Uruguaik egin dute hori.
Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago. Ospitaleek eta ur-hornidurarako azpiegiturek dute lehentasuna.
Air Canadako hegazkin batek eta suhiltzaileen kamioi batek talka egin dute New Yorkeko LaGuardia aireportuan
Air Canadako hegazkin batek eta suhiltzaileen kamioi batek talka egin dute igande gauean New Yorkeko LaGuardia aireportuan (Queens). Hainbat lagun zauritu dira, bertako komunikabideek jakitera eman dutenez.
"Persiar golko osoan" minak jarriko dituela mehatxu egin du Iranek, AEBk inguru horretako uharteetan erasoa jotzen badu
Irango Guardia Iraultzaileak entzungor egin dio Trumpen mehatxuari. AEBk zentral elektrikoen kontra egiten badu, “modu berean” erantzungo duela adierazi du Guardiak.
Israelek Teheranen aurkako erasoak areagotu ditu, AEBk eta Iranek elkarri egindako mehatxuen ondoren
Israelgo Armadak defentsa sistemak aktibatu ditu Irandik jaurtitako geldiarazteko. Gerra luzatzea benetako aukera da, adituen arabera.