Orion ontzia itsasoratu da jada, eta amaitu da Artemis II misioa, 50 urtean ilargira egindako lehen bidaia
Lau astronautak (Reid Wiseman, Victor Glover, Christina Koch eta Jeremy Hansen) osasun egoera onean daudela baieztatu du NASAk.
NASAren Artemis II misioak amaiera arrakastatsua izan duostiral honetan, tripulazioa Lurrera onik itzuli ostean. Ozeano Barean itsasoratu da Orion espazio ontzia, Kaliforniako kostaldean (AEB), Ilargiaren inguruan bidaia historiko bat egin ostean.
Misioko lau astronautak (Reid Wiseman, Victor Glover, Christina Koch eta Jeremy Hansen) zihoazen Orion espaziontzia Lurreko atmosferan behera jaitsi da, eta paraxutek lagunduta erori da itsasoan 17:07an (bertako ordua), San Diego aurrean, hamar eguneko misioari amaiera emanez.
Gure planetan sartzeko prozesua 13 bat minutukoa izan da, eta kapsulak muturreko baldintzak jasan ditu: plasma pilatu zaio gainazalean eta 2.760 gradu zentigradu inguruko tenperatura jasan du atmosfera 40.234 kilometro orduko abiaduran zeharkatzen zuen bitartean.
Lau tripulatzaileak osasun egoera onean daudela baieztatu du NASAk.
Rob Navias Johnson Espazio Zentroko gai publikoen arduradunak operatiboaren zehaztasuna azpimarratu du, "itsasoratze perfektua" izan dela ziurtatu baitu, Bloomberg albiste-agentziak jasotako adierazpenen arabera.
Halaber, misioaren balio sinbolikoa azpimarratu du, "Julio Verneren orrietatik hasi eta Ilargirako misio moderno bateraino, kapitulu berri bat osatu da gure zeruko bizilagunaren esplorazioan".
Misioak 694.481 milia (1.117.659 kilometro) egin ditu aireratu zenetik, urrunen iritsi den tripulatutako espazio hegaldia izan da, eta balio zientifiko handiko irudiak lortzea ahalbidetu du.
Zure interesekoa izan daiteke
Artemis II misioko astronautak prest dira 02:07an Kaliforniako kostaldearen parean itsasoratzeko
Hego Euskal Herriko 02:07an, NASAren aurreikuspenen arabera, San Diegoko (Kalifornia) kostaldean itsasoratuko da Orion espazio ontzia.
Ekuadorrek % 50etik % 100era igoko ditu Kolonbiako inportazioen muga-zergak, merkataritza-gerra gogortuz
Noboaren gobernuaren arabera, "segurtasun nazionala" bermatzeko hartu dute erabakia, eta "erantzukizun partekatua indartzea du helburu, mugan narkotrafikoaren presentziari aurre egiteko". Petroren ustez, neurri hori "gehiegikeria" da, eta "errespetua" eskatu du "narkotrafikoak eraildako 200.000 kolonbiarrentzat".
Israelek iragarri du Hezbollahko buruzagiaren idazkaria eta iloba hil duela
Hildakoa Ali Yusef Harshi da, Naim Qassemen iloba.
Iranek itxi egin du Ormuzko itsasartea, hainbat orduz irekita egon ondoren
Itsasartea irekita egon da hainbat orduz. Itsasoko trafikoa monitorizatzen duten plataformek mugimenduak atzeman dituztela adierazi dute. Hala ere, Israelek Libanori egindako erasoaren ostean, Irango agintariek berriro etenarazi dute petrolio-ontzien nabigazioa, Guardia Iraultzailearekin lotutako Fars agentziak jakinarazi duenez.
Milaka indigena Brasiliara iritsi dira, 2026ko Lur Librea Kanpamentuan parte hartzeko
Brasilgo indigenek martxa bat egin dute Brasilgo Kongresu Nazionalera euren eskubideak aldarrikatzeko, Brasilian urtero egiten duten kanpaldiaren testuinguruan.
Israelek gutxienez 250 pertsona hil ditu Libanoren aurka egindako "erasorik handienean", su-etena izan arren
AEB eta Iranen artean bitartekari lanak egin dituen Pakistanen arabera, Libanori ere eragiten dio tregoak. Benjamin Netanyahu Israelgo lehen ministroak, ordea, akordiotik kanpo utzi du herrialdea.
Iranen bake-plan proposamenaren hamar gakoak
Iranek arma nuklearrak ez fabrikatzeko konpromisoa hartu du, eta bere kontrako zigor guztiak kentzea eta jasandako kalteak konpentsatzeko funts bat sortzea eskatu du. Horiek dira, besteak beste, Teheranek AEBrekin gerra amaitzea negoziatzeko aurkeztu duen planaren puntuak.
AEBk eta Iranek bi asteko su-etena adostu dute, Ormuz ireki egingo dutela bermatuta
Pakistanen bitartekaritzak su-eten akordioa lortzea ahalbidetu du. Ituna berehala sartuko da indarrean, eta Islamabadeko bake negoziazioei ateak irekiko dizkie.
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira, eta giza-kateak osatu dituzte zentral elektriko eta zubietan. Irango banderak, erresistentziarako aldarriak eta liderren argazkiak hartuta, azpiegitura publikoak erasotzea gerra-krimena dela salatu dute.