AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, "inor ez dago salbuetsita" zeharkako zigorren jomuga izatetik Teheranekin negoziatzen badu.
Scott Bessent Ameriketako Estatu Batuetako Altxorraren idazkariak 'Paria Ekonomikoa' operazioa hasi duela iragarri du astelehen honetan. Helburua da Iranen "aukera ekonomiko guztiak" etetea.
"Altxorraren Departamentuak Iranek petrolio kontrabandorako eta zigorrak saihesteko erabili dituen nodo, bideratzaile eta sare guztiak identifikatu ditu", esan du Bessentek prentsaurreko batean, eta ohartarazi du Irango erregimenarekin negoziatzen duen "inor" ez dagoela salbuetsita.
Goi-funtzionarioak argitu duenez, "zigor sektorial" horiek "Iranek beste herrialde batzuetan ustiatzen dituen bost alor garrantzitsu izango dira: aktibo digitalak, teknologia, urrea, hegazkingintza eta itsas garraioa".
"Neurri horiek bigarren mailako zigorren arriskua handitzen dute, erregimen horrekin negozioak egiten jarraitzeko bezain zentzugabea den edonorentzat, eta azkartasunez jokatuko dugu haien aurka", mehatxatu du.
Bessentek aurreratu duenez, Altxorreko, Estatu Departamentuko eta Indar Armatuetako funtzionarioak "nazioarteko homologoekin biltzen ari dira orain, AEBk ekintza zehatzak espero dituela jakinarazteko", baina ez du zehaztu zein nazio ohartarazi dituzten, ezta zigor horiek aplikatzeko egutegirik ere.
"Herrialde bakoitzak epe zehatz bat du identifikatu ditugun jarduerei amaiera emateko. Ekiten ez badute, guk alde bakarretik egingo dugu", adierazi du Bessentek, eta iragarri du astelehen hau" D egun ekonomikoa" izango dela Iranen aurkako gerran.
AEBko Altxorraren idazkariak jakinarazi duenez, "Irango erregimenari teknologia nuklearra eta legez kanpoko misilak eskuratzeko, ziberoperazioak egiteko eta petrolio-sarrerak sortzeko aukera ematen dioten mundu osoko hirurogei erakunde, gizabanako eta ontzi baino gehiagori" zigor berriak ezarriko dizkiete.
Bere aldetik, Iranek erantzun du ez diola utziko Washingtoni gerraren amaieraren baldintzak ematen, eta beste herrialdeei ohartarazi die AEBren kanpaina ekonomiko berrian parte har ez dezaten. Era berean, "gerra ekonomiko horrekin" bat egiten duten herrialdeak "etsaitzat" hartuko dituela ohartarazi du.
Zure interesekoa izan daiteke
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.
Ebolak dagoeneko 2.642 hildako eta 5.514 kasu baieztatu eragin ditu Kongoko Errepublika Demokratikoan
Bestalde, 808 paziente isolatuta edo ospitaleratuta daude, eta 1.200 lagun sendatu egin dira. Ebola Kongoko sei probintziatan zabaltzen ari da, eta hilkortasun-tasa % 47,9koa da.
Iranek ohartarazi du ez dela petrolio "tanta bat bera ere" aterako Persiar golkotik, AEBk "gerra ekonomikoari" eusten badio
Scott Bessent AEBko Altxorraren idazkariak, bestalde, astelehen honetan hasiko den "gerra ekonomikoa" guduaren azken fasea dela ziurtatu du.
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.