Osakidetzak Donostialdeko ESIko gerentea eta zuzendari medikoa kargugabetu ditu
Osakidetzak Idoia Gurrutxaga Donostialdeko ESIko zuzendari medikoa kargugabetu du, EITBk jakin ahal izan duenez. Azken 24 orduetan Donostialdeko ESIan izandako bigarren kargugabetzea da; izan ere, ostegunean Itziar Perez gerentea kendu zuten kargutik.
Barne mezu baten bidez, orain arteko zuzendari medikoak bere kargugabetzearen berri eman du. Ostiral arratsaldeko lehen orduan jakinarazi diote berari kargugabetzea.
Mezuan, Gurrutxagak ez du zehaztu zergatik kendu duten kargutik. Elgoibartarrak 9 urte egin ditu medikuen arduradun bezala. Gauzak ez direla gaizki egin esan du eta kritikoa izatea aberasgarria dela deritzo.
Donostialdeko ESIan azken 24 orduetan izandako bigarren kargugabetzea da. Ostegunean, Itziar Perez gerentea kargugabetu zuten; berak barne mezuan esan zuenez, kargugabetzearen arrazoia da ez dagoela "lerrokatuta Osakidetzako Zuzendaritza Nagusiarekin eta Osasun Sailarekin".
Honen kargugabetzea salatzeko bilkura egin dute zerbitzuburu eta gainbegiraleek 08:15ean, Donostia Ospitaleko sarreran.
Itziar Perezek eskerrak eman dizkie langileei pazienteen "arreta hobetzeko" egunero egiten duten "ahaleginagatik eta konpromisoagatik".
Osasun Sailak berretsi egin du Perez kargutik kendu dutela, baina uko egin dio Donostialdeko ESIaren ordezkapenaren arrazoiei buruzko informaziorik emateari.
Itziar Perezek Donostialdea ESIko (Gipuzkoako garrantzitsuena) kudeatzaile kargua hartu zuen 2019ko urtarrilean, Jose Manuel Ladron de Guevara ordezkatu zuenean.
ETBk jakin duenez, ezinegona gero eta handiagoa da Donostialdeko ESIan bertako arduradunei ez zaielako jaramon handirik egiten. Onkologikoa osasun publikoan nola txertatu, larrialdien kudeaketa eta giza baliabideen eskasia dira eztabaidagaia nagusiak.
Donostialdeko erakunde sanitario integratuak 400.000 mila bat herritar biltzen ditu. Osakidetzak dio antolakuntza aldaketa hutsak direla bi kargugabetzeak.
Albiste gehiago osasuna
Haurtxo bat izan da edizio geniko pertsonalizatuko terapia batekin tratatu duten aurreneko gizakia
KJ 'Carbamoil fosfato sintetasa 1 (CPS1) urritasun larria' gaixotasun genetiko sendaezinarekin jaio zen. Lehen sei hilabeteak ospitalean eman zituen dieta oso murriztaile batekin, taldeak berari egokitutako zen terapia bat diseinatzen zuen bitartean. Lehen hiru dosiak arrakastatsuak izan dira.
MDMA bezalako sendagai psikodelikoek osasun mentaleko tratamenduetan lagun dezakete
Psikiatria bide berriak aztertzen ari da pazienteak gutxiago medikatzeko, eta medikuntza psikodelikoa erabiltzea izan daiteke horretarako bide bat.
“Izoztutako obozitoek ez daukate iraungitze datarik”
Ane Olivenza enbriologoak obuluen izozteari buruzko argibideak eman ditu. Halako prozesu bat egitekotan, 20-30 urte bitartean egiteko gomendatu du, kalitatea bermatu dadin. Prozesu horrek adinean gora ugalkortasuna handitzen laguntzen du.
“Izoztutako obozitoek ez daukate iraungitze datarik”
Ane Olivenza enbriologoak obuluen izozteari buruzko argibideak eman ditu. Halako prozesu bat egitekotan, 20-30 urte bitartean egiteko gomendatu du, kalitatea bermatu dadin. Prozesu horrek adinean gora ugalkortasuna handitzen laguntzen du.
Norbera eta pertsona zaurgarriak berotik babesteko gomendioak
Gehiegizko tenperaturak herritarren osasunean duen eragina prebenitzea eta murriztea helburu Osasun Sailak eta Osakidetzak Beroaren Aurkako Plana argitaratu dute. Beroaren ondorioei buruzko informazioa zabaldu eta horiek saihesteko neurriak zerrendatu dituzte. Hona hemen gako nagusiak.