Bilbo, Donostia, Gasteiz eta Iruñean ere, Pokémon Gorekin ehizan
Nintendo konpainiak ekoitzitako Pokemon Go bideo-joko arrakastatsua ostiralean heldu zen modu ofizialean Espainiara (App Store eta Google Play plataformetatik doan jaitsi daitezke jada), eta ordutik aurrera pokemon fenomenoa hazi besterik ez da egin, baita geurean ere. Izan ere, euskal hiriburuak ez dira izaki digital horiek (pokemonak) ehizatzeko grinatik kanpo gelditu, eta gero eta ohikoagoa ari da bihurtzen sakelakoarekin hara eta hona apuntatzen ari den jendea ikustea gure kale, plaza eta parkeetatik zehar, Bulbasaur, Squirtle edota Charmander motatako pertsonaia bat harrapatzeko asmoz.
Sare sozialetan ere jaso dute horren isla, eta Twitterren dagoeneko badira Pokémon Go jokoari buruzko profil berezituak euskal hiriburu bakoitzeko: @PokemonGo_BIO (Bilbo), @PokemonGoDonos (Donostia), @PokemongoGSTZ (Gasteiz) eta @PokemonGO_PM (Iruña).
Profil horietatik, erabiltzaileek euren lorpenen inguruan hitz egiten dute, aholkuak partekatzen dituzte, pokemonak non aurkitu dituzten jakinarazten dute eta beste jokalariekin batera jokatzeko hitzorduak antolatzen dituzte.
Ez da sofan jokatzen
Gainerako bideo-jokoekin ez bezala, Pokemon Go ez da etxeko sofan eserita jokatzen, kale, parke eta hondartzetan baizik. Benetako tokiak jokalariaren pantailan agertu eta pertsonaia birtualak bertan ezkutatzen dira.
Sistema erraza da. Erabiltzailearen telefono adimendunaren kokatze-sistema erabiltzen du bideo-jokoak, baita erlojua ere, jokalaria noiz eta non dagoen antzemateko, Pokemonen pertsonaia bat "ikusarazteko". Pantailan agertuko da, erabiltzaileak harrapa dezan.
Ez dago argi jokoa geratzeko etorri den edota aldi baterako moda horietako bat besterik ez ote den izango, baina uda honetako pasadizo ugariren eta kuadrilla askotan hainbeste solasaldiren protagonista izango da ziur asko.
Albiste gehiago teknologia
BEC ordenagailuz eta informatikazale amorratuz beteko da berriro uztailaren 24tik 27ra
Estatuko 'lan party' handienak eta Europako garrantzitsuenetako batek 4.000 ordenagailu eta dozenaka stand hartuko ditu, eta teknologia berriak, berrikuntza eta kultura digitala maite dituzten 5.000 pertsona bilduko ditu lau egunez.
Linda Yaccarino X enpresako zuzendariak dimisioa eman du, bi urtez Elon Musken konpainiaren buru izan ondoren
Yaccarinok alde egiteko erabakia iragarri du arrazoirik eman gabe, eta aditzera eman du ez dagoela inolako desadostasunik Elon Muskekin. Are gehiago, "izugarri eskertuta" dagoela erantsi du.
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.
Espainiar Estatuko hiru pasahitz erabilienak segundu bakar batean deszifra daitezke
Igandean Pasahitzaren Nazioarteko Eguna dela eta, Gipuzkoako Ziur Industria Segurtasun Zentroak ohartarazi du ziberasko gehienak pasahitzak lapurtuta egin ohi dituztela ziberkriminalek.
YouTuberen 20. urteurrena: Hau da 2005eko apirilaren 23an plataformara igotako lehen bideoa
2005eko apirilaren 23an, hogei urteko gazte batek 18 segundoko grabazio bat igo zuen. Igotakoak mundua irauliko zuen, 530 milioi bistaratze baino gehiago lortuta.
OpenAI bere sare sozial propioan ari da lanean, eta Xen antzekoa izango litzateke
Sam Altman OpenAIko zuzendari exekutiboak pribatuan iritziak eskatu ditu oraindik lehen faseetan dagoen proiektuari buruz. Ez dago argi konpainiak sare soziala aplikazio independente gisa abiarazteko edo ChatGPTn barneratzeko asmoa duen.
Amazonek TikTok erosteko eskaintza aurkeztu du
"The New York Times" egunkariaren arabera, AEBko erraldoi teknologikoak Txinako sare sozial osoa erosteko eskaintza egin du.