OpenAI bere sare sozial propioan ari da lanean, eta Xen antzekoa izango litzateke
OpenAI bere sare sozial propioan ari da lanean, Xen antzekoa, The Vergek gaur jakinarazi duenez, konpainiaren gertuko iturriak aipatuta. OpenAIko zuzendari exekutiboa, Sam Altman, pribatuan iritziak eskatzen aritu da azkenaldian, The Vergeren arabera, proiektua lehen faseetan baitago oraindik. Ez dago argi konpainiak sare soziala aplikazio independente gisa abiarazteko edo ChatGPTn barneratzeko asmoa duen.
Erabaki horrek areagotu egin ditzake Altmanen eta Elon Musk handi-mandiaren arteko tentsioak. Elon Musk Xen jabea eta OpenAIren sortzaileetako bat da, eta 2018an utzi zuen startupa, enpresa adimen artifizialaren lasterketan lider gisa sendotu aurretik.
Bien arteko ika-mika areagotu egin da azken hilabeteetan. Otsailean, Musk buru duen inbertitzaileen partzuergo batek 97.400 milioi dolarreko eskaintza aurkeztu zuen OpenAI erosteko, baina Altmanek ezezkoa eman zion, "ez, eskerrik asko" esanez.
Muskek salaketa jarri zion Altmani iaz, "OpenAIren jatorrizko helburua, hau da, gizateriaren onurarako adimen artifiziala garatzea, bertan behera utzi zutela" argudiatuta, "mozkinak lortzea lehenetsiz".
OpenAIk kontra egin zion Muski hil honen hasieran, "jazarpena" salatuz eta "irabazi-asmoko eredu baterako trantsizioa zapuzten saiatzea" egotzita. Epaiketa datorren urteko udaberrian izango dute.
OpenAIren sare sozial bat ere zeharkako lehia izan liteke Meta Facebooken jabearentzat. Otsailean, Altmanek Xenn erantzun zien Metaren egitasmoei buruzko berriei, adieraziz: "Ados, agian aplikazio sozial bat sortuko dugu".
Bai Metak eta bai Xek datu kopuru izugarria dute eskura (erabiltzaileek sare sozialetako plataformetan argitaratutako eduki publikoa), eta adimen artifizialeko ereduak haiekin entrenatzen dituzte.
Zure interesekoa izan daiteke
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.