'Pokemon Go' bideo-jokoa arrakasta handia izaten ari da
Pokemon Go abentura bideo-jokoa arrakasta handia izaten ari da Ameriketako Estatu Batuetan. Munduan milioika erabiltzaile ari dira ezkutatutako pertsonaia birtualak bilatzen.
Niantic Inc. enpresak garatu eta Japoniako Nintendo konpainiak banatutako bideo-jokoa duela astebete aurkeztu zuten, baina arrakasta ikaragarria lortu du dagoeneko. Zerbitzariak behin baino gehiagotan blokeatu dira.
Twitter sare sozialean, 65 milioi erabiltzailetik gora lortu ditu AEBn. Are gehiago, kaleak lepo bete ditu zenbait tokitan.
Arrakasta horren aurrean, Nintendoren akzioek gora egin dute izugarri. Hala, Tokioko burtsan % 56,65 egin dute gora ostegunetik.
Ez da sofan jokatzen
Gainerako bideo-jokoekin ez bezala, Pokemon Go ez da etxeko sofan jokatzen, kale, parke, hondartza eta beste leku batzuetan baizik. Benetako tokiak jokalariaren pantailan agertu eta pertsonaia birtualak bertan ezkutatzen dira.
Sistema erraza da. Erabiltzailearen telefono adimendunaren kokatze sistema erabiltzen du bideo-jokoak, baita erlojua ere, jokalaria noiz eta non dagoen antzemateko, Pokemonen pertsonaia bat “ikusarazteko”. Pantailan agertuko da, erabiltzaileak harrapa dezan.
Gazteak bideo-jokoarekin jolasten, Union Squaren (New York). Argazkia: EFE
Errealitate areagotua
Jokalaria mugitzen den heinean, tokia eta orduaren arabera, Pokemonen pertsonaia gehiago agertzen dira. Errealitate fisiko eta birtualaren arteko lotura hori “errealitate areagotua” da bide-ojokoen argotean.
Histeria kolektiboa ikusita, AEBko poliziek kontuz ibiltzeko eskatu diete jokalariei, jokoan murgilduta daudenean euren segurtasuna albo batera ez uzteko.
Bideo-jokoaren arrakastari etekina ateratzen saiatzen ari dira bertako dendak. Ustekabeko munstroren bat harrapatzeko dendan sartzea proposatzen diete onezkoei iragarkietan.
Jokoa Android eta iOS sistema eragileetarako dago eskuragarri, eta doan jaitsi daiteke. Ordenagailuetarako jokoek ospetsu bihurtu zuten izaki fantastikoen unibertsoan eta 90eko hamarkadaren amaieran sortu ziren Pokemon marrazki bizidunetan oinarritzen da bideo-jokoa.
Bertsio berrian 151 izaki daude, nahiz eta katalogo zaharrak 700 baino gehiago izan. Pertsonaiak harrapatzeaz gain, jokoak gimnasio zuzendariak eta entrenatzaileak ditu, jokalariak horien aurka borrokatu daitezen.
Zure interesekoa izan daiteke
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.