Euskal Encounterren 27. edizioak 5.000 partaide izango ditu
Euskal Encounter, informatikaren eta teknologia berrien arloko profesional eta zaleak biltzen dituen Estatuko topaketa zaharrena, Barakaldoko BEC-en egingo da uztailaren 25 eta 28 bitartean: sarean konektaturiko 5.000 ordenagailu, segundoko 60 gigabiteko Interneterako konexioa, informatika eta teknologia berriei eskainitako 50.000 metro karratu eta 50.000 euro saritan.
27. edizioak etenik gabeko lau egun eskainiko ditu Bilbao Exhibition Centre eraikineko 5. pabiloian.
Gainera, Euskaltelen teknologiari esker, topaketak segundoko 60 gigabiteko Interneterako konexioa eskainiko du. Abiadura horrek munduko ekimen azkarrenen artean kokatuko du Euskaltel Konekta Fundazioak antolaturiko topaketa.
Eskaintza libreko 4.000 plazak bost segundoan erreserbatu dira. Gainerako postuak erakundeak esleitu ditu.
Opengune
Ordenagailu-postuak hartuko dituen guneaz gain, Opengune izeneko eremuak publikoarentzako jarduera ireki eta doako ugari bilduko ditu: prestakuntza tailerrak eta hitzaldiak, informatika produktuak erosteko standak, eta errealitate birtualaz zein 3D inprimagailuez gozatzeko ekintzak.
Izar gonbidatua eta Cosplay lehiaketa
Youtuberren hitzaldien iazko arrakastaren ostean, Euskal Encounterrek gonbidatu famatu berria izango du: Nate Gentile, Estatuko modding (ordenagailuen eraldaketa eta pertsonalizatzea) aditu handiena eta youtuber ezagun bat.
Gentilek zuzeneko saioa egingo du hardware gunetik eta nitrogeno likidoarekin ordenagailua nola hoztu azalduko du tailer batean, beste sorpresen artean.
Bestalde, cosplayak bi jarduera izango ditu: cosplayerren desfilea eta Opengunera bertaratzen diren bisitariei irekitako cosplay lehiaketa.
Albiste gehiago teknologia
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.
Espainiar Estatuko hiru pasahitz erabilienak segundu bakar batean deszifra daitezke
Igandean Pasahitzaren Nazioarteko Eguna dela eta, Gipuzkoako Ziur Industria Segurtasun Zentroak ohartarazi du ziberasko gehienak pasahitzak lapurtuta egin ohi dituztela ziberkriminalek.
YouTuberen 20. urteurrena: Hau da 2005eko apirilaren 23an plataformara igotako lehen bideoa
2005eko apirilaren 23an, hogei urteko gazte batek 18 segundoko grabazio bat igo zuen. Igotakoak mundua irauliko zuen, 530 milioi bistaratze baino gehiago lortuta.
OpenAI bere sare sozial propioan ari da lanean, eta Xen antzekoa izango litzateke
Sam Altman OpenAIko zuzendari exekutiboak pribatuan iritziak eskatu ditu oraindik lehen faseetan dagoen proiektuari buruz. Ez dago argi konpainiak sare soziala aplikazio independente gisa abiarazteko edo ChatGPTn barneratzeko asmoa duen.
Amazonek TikTok erosteko eskaintza aurkeztu du
"The New York Times" egunkariaren arabera, AEBko erraldoi teknologikoak Txinako sare sozial osoa erosteko eskaintza egin du.
Segurua al da Signal? AEBk gerra planak aztertzeko erabili duen aplikazioaren erradiografia
Mezularitza aplikazio honek zeresana eragin du azken egunetan, Trumpen Administrazioak nahi gabe kazetari bat sartu baitzuen gerra planak partekatzen zituen txat zifratu batean.
Horrelakoa da Quantum System Two, IBMren ordenagailu kuantikorik aurreratuena
Eusko Jaurlaritzak eta IBMk iragarri dute Europako lehen IBM Quantum System Two ordenagailua instalatuko dutela Donostian. Sistema kuantiko horrek 156 kubiteko IBM Quantum Heron prozesadore bat izango du, erabilgarritasun-eskalara iristeko diseinatua dagoena.