Ehun bat ontzik itsasadarra zeharkatu dute Santurtzitik Palestinaren alde
Santurtzitik abiatu da itsas martxa Bilboko Itsas Museora, eta giza kate batek egin dio harrera bertan.
Palestinaren aldeko euskal kolektiboek itsas martxa egin dute larunbat honetan, irailaren 6an, Gazari eta Global Sumud Flotillari elkartasuna adierazteko. Ehun bat traineru, batel, piragua eta ontzi solidario Bilboko Itsas Museorantz abiatu dira Santurtziko portutik.
Bilbon, bitartean, ehunka lagunek giza katea egin dute Bilboko Udala eta Itsasmuseumeko zabalgunea lotzeko. Bertan, mila pertsona bildu dira bertan, nabigatzaileen zain, bandera palestinarrak astinduz eta "Palestina askatu" eta "Ez da gerra, genozidioa da" aldarriak oihukatuz.
Santurtzi eta Bilbo artean, topalekuak egokitu dituzte ibilbidean zehar elkartasun martxari harrera beroa egiteko: Santurtzin, itsasargiaren pantalanaren ondoan; Portugaleten, Mareometrotik La Canillaraino; Sestaon, La Benedicta kiroldegiaren ondoan; eta Barakaldon, Periko Solabarriaren omenezko horma-irudiaren ondoan.
Palestinaren aldeko kolektiboen bozeramaileak
Oraintxe bertan droneak daude flotillaren gainetik hegaka eta mehatxuka. Adi eta adi egon behar dugu mobilizazio guztietara, edozein unetan kalera atera beharko dugulako berriro"
Bilboko Itsas Museoan, deialdiko bozeramaileek salatu dute "Gazan genozidioa eta holokaustoa" gertatzen ari dela, eta Israeli leporatu diote "herri palestinarra suntsitu, haren nortasuna ezabatu eta existitzeko eskubidea ukatu" nahi izatea.
Antolatzaileek Europako gobernuen "neutraltasuna eta konplizitatea" kritikatu dute. Horrekin batera, Eusko Jaurlaritza eta Kutxabank bezalako erakundeek CAFen inbertsioak mantentzearen aurka agertu dira, "Israelentzat tranbiak egiten jarraitzen dutelako".
Azkenik, babesa helarazi diote 44 herrialdetako ontziek osatutako Global Sumud Flotillari. "Oraintxe bertan droneak daude flotillaren gainetik hegaka eta mehatxuka. Adi eta adi egon behar dugu mobilizazio guztietara, edozein unetan kalera atera beharko dugulako berriro", ohartarazi dute.
Zure interesekoa izan daiteke
Emakume bat hil da Kataluniako euriteetan eta alerta gorria ezarri dute Valentzian eta Alacanten
Euskararen aldeko jaiak eta aldarrikapenak bat egin dute Nafarroa Oinezen
Errekor-mailako txistorradun taloa: munduko luzeena lortu du Barakaldok
70eko hamarkadan abortatzeagatik zigortutako "Basauriko Hamaiken" auziak 50 urte bete ditu
Bi pertsona zauritu dira Tolosan, bi autok talka eginda
Manifestazioa Iruñean, Testa Residencialek kaltetutako 507 familientzako konponbidea eskatzeko
Milaka lagun bildu dira Baionan bizitzaren garestitzearen kontrako manifestazioan, eta hainbat orduz itxi dute A63a
Bi adin txikiko atxilotu dituzte Burgosen, ahoa estalita eta eskuak lotuta agertu zen adineko emakume baten heriotzagatik
19 urteko emakume batek bere buruaz beste egin du Angelun gizon batek bortxatu ostean
