Irlanda, Donostiako Okendo plazan
Igandean, hilak 19, Okendo plaza Dublingo Bloomsday jaialdiaren agertoki izango da; Ulises James Joyceren eleberriko unibertsoa Gipuzkoako hiriburura helduko da, beraz. Tailerrak, ikuskizunak, kontzertuak eta Irlandako gastronomia ekarriko ditu, besteak beste, Zubideak Donostia 2016ren proiektuaren bigarren edizioak.
Ulises James Joyceren eleberria Homeroren Odisea-n oinarritzen da, eta 1904ko ekainaren 16an gertatzen da, Leopold Bloom eta Stephen Dedalus protagonista dituela. 1922an argitaratu zen lehen aldiz, eta gaur egun irlandarren izaera eta identitatea ondoen islatzen duen literatur lanetako bat da, adituen esanetan. Horregatik, 1954an Bloomsday jaialdia ospatzen hasi ziren Dublinen.
Okendo plaza, Dublin bihurtuta
Donostiako ospakizunaren jarduera nagusietakoa Bloomsday Street Theatre ikuskizuna izango da. Hiru emanaldi izango ditu eleberriaren pasarte esanguratsuenetan zehar eginiko bidaia antzeztu horrek, 11:30ean, 13:30ean eta 16:00etan. Ikuskizuna ingelesez izango da, baina itzulpen laburrak egingo dira euskarara eta gaztelaniara.
Liburuarekin lotura duten beste jarduera batzuk ere izango dira, hala nola Lurra eta haragia izeneko emanaldia; Agerre Teatro konpainiak Victoria Eugenia antzokian eskainiko duen bakarrizketa horrek Bloom andreari –Leopolden emazteari– ahotsa emango dio. Musika ere izango da egun osoan, 12:30ean entzungo baitira aurreneko akordeak Okendo plazan, Residence Band talde bilbotarraren emanaldiarekin.
Jardunaldia beilaldi musikal batekin bukatuko da. Hala, 19:00etan, Gibelurdinek taldeak The Poguesen bertsioak joko ditu, eta Bloomsday Hooley irlandar bandak itxiko du jaialdia, 20:30ean.
Dublingo kultura eta bizitzan guztiz murgiltzeko, bi barra jarriko dituzte, eta Irlandako janari-edariak eskainiko dituzte bertan egun osoan.
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.