Kamloopseko Eskola indigenan hil ziren haurrei buruzko irudi batek irabazi du World Press Photo 2022 saria
World Press Photo Foundationek dagoeneko iragarri ditu World Press Photo lehiaketako irabazleak, fotokazetaritzako sari nagusiak. Aurten, epaimahaiak Amber Bracken argazkilari kanadarraren lana saritu du Kanadako Kamloops eskola indigenan hil ziren haurrei egindako omenaldiarekin.
The New York Timesentzat egindako lanean, errepide batean zehar gurutzeetan zintzilikatutako soineko gorriak ageri dira. Rena Effendi epaimahaiko presidentearen hitzetan, "zure oroimenean iltzaturik geratzen den irudi horietako bat da, zentzumenen erreakzio moduko bat inspiratzen duena. Lasaitasuna ageri da argazki honetan, Kanadan ez ezik, mundu osoan ere kolonizazioaren historiako kontuak garbitzeko une lasai bat", adierazi du.
Urteko Erreportaje Grafikoaren World Press Photo saria, berriz, Matthew Abbott fotokazetariarentzat izan da. Australiako indigenak lurra estrategikoki erretzen erakusten ditu National Geographicentzat egindako lan horrek. "Erreketa hotza" esaten zaio praktika horri, eta suteak astiro mugitzen dira, sastrakak bakarrik erretzen dituzte eta sute handiagoak elikatzen dituen erregaia metatzea ezabatzen dute.
"Hain ongi antolatu zuen lana, non irudietan ere ezin baita modu desberdinetan pentsatu. Osotasun gisa ikusten duzu, eta narratiba perfektua izan zen", adierazi du epaimahaiburuak.
Epe luzerako World Press Photo proiektuaren saria, bestalde, Lalo de Almeidaren "Amazonian Dystopia" lanak jaso du, Amazoniaren okupazioa eta bertako oihanean eta biztanleengan duen eragina dokumentatzen dituena.
Irudiak Folha aldizkarian argitaratu ziren, eta, Effendiren iritziz, "tokiko komunitatean ez ezik, mundu mailan ere ondorio negatiboak dituen zerbait erakusten du lanak, mundu mailako erreakzio-katea sortzen baitu".
Lalo de Almeidaren 'Amazonian Dystopia'
Formatu irekiko World Press Photo Sariari dagokionez, Isadora Romeroren (Ekuador) "Blood is a Seed" izan da lan irabazlea. Unera, (Cundinamarca, Kolonbia) antzinako herrira egindako bidaia da, non Romerok lurrari eta laboreei buruzko oroitzapen ahaztuak arakatzen dituen eta bere aitona eta birramonari buruz ikasten duen.
Aurten, 130 herrialdetako 4.066 argazkilariren 64.823 lan bildu ditu.
Zure interesekoa izan daiteke
“Carne y arena” Alejandro Gonzalez Iñarrituren instalazioa, EITBren Bilboko egoitzan bisitagai
Bisitaria migratzaile eta errefuxiatuen bidaiaren zati baten erdian kokatzen duen “murgiltze esperientzia” martxoaren 11tik ekainaren 20ra paratuko dute EITBren egoitzaren 5. platoan. Sarrerak otsailaren 17tik aurrera egongo dira salgai, 11,21 euroan.
Amikuzeko libertimenduarekin, inauteri giroan murgildu da Nafarroa Beherea
Libertimenduek Donapauleko plaza hartu dute musika, dantza, bertsoa eta antzerkien eskutik. Martxoaren 14ra bitartean, beste hainbat emanaldiz gozatzeko aukera egongo da herriko sorkuntzekin.
Jone San Martinek "sORDA" ikuskizuna sortu du, gortasunaren inguruan
Dantza garaikidearen eta soinuaren zein isiltasunaren arteko elkarrizketa eskaintzen du dantzari donostiarrak ikuskizun berrian.
Bilbao BBK Live jaialdiak zinema proposatuko du otsailean
'2030 Bai!' izeneko zikloak “Maspalomas”, “La voz de Hind Rajab”, “Yo capitán”, eta “Belen” filmen proiekzioak egingo ditu, Bilboko BBK Salan. Sarrera doakoa izango da, eta solasaldiak izango dira emanaldiak bukatutakoan.
Gure! jaialdia: ikasgelatik oholtzara
Erandioko Tartanga Lanbide Heziketako Ikastetxe Integratuko Ikus-entzunezkoen eta Ikuskizunen Ekoizpeneko zikloko ikasleek antolatu eta kudeatzen duten jaialdiaren laugarren edizioa otsailaren 6 eta 7an egingo dute Bizkaiko udalerrian.
61 kultur jarduera izan ziren iaz eguneko, Araba, Bizkai eta Gipuzkoan
Kulturklik Eusko Jaurlaritzaren plataformak jasotako datuen arabera, Euskal Autonomia Erkidegoko kultur ekitaldien % 40 euskaraz izan ziren 2025ean, eta beste horrenbeste doakoak.
“Urrats kolektiboak” pastoralaren testua, zubereraz eta batuan
Barkoxeko herritarrek 2025eko uztailaren 27an eta abuztuaren 2an eta 10ean antzeztu zuten pastorala, eta Euskal Telebistak 2026ko Aste Santuan emitituko du. EITBko Euskara Zerbitzuan euskara batura ekarri dute testua.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.