Euskaldun kontzientziatuek (ere) eukaliptoa kontsumitzen dute
Jon Ander Urresti bermeotar sortzaileak irabazi zuen iaz Durangoko Azokaren Sormen Beka, "Eukalyptus" proiektuari esker, eta gaur estreinatu dute antzezlana, Durangoko Azokan bertan, Szenatokia gunean.
Matxalen de Pedrok eta Jon Ander Urrestik zuzendu dute lana, beraiek, Nerea Ibarzabal bertsolari eta idazleak eta Beñat Urrutiak zortzi eskutara idatzitako testu batean oinarrituta, eta Urresti eta Urrutia bera arduratzen dira testuok agertoki gainean mamitzeaz, gorpuzteaz.
Ordubeteko lanaren lehen erdia taularatu dute goizeko saioan, lagin gisa, eta Urrestik iaz agindu zuen moduan, obraren asmoa geure aurrean ispilu bat jartzea bada, irudian —aurreikus zitekeen— zatar demonio irten garela aurrera genezake. Errua, esan gabe doa, geurea da, eta ez "gure kontsumo ohiturak nahiz erantzukizun kolonialistak" aurrez aurre jarri nahi izan dizkigun egilearena.
Umore satirikoa nagusi dela, lurjabea (Urresti) eta langilea (Urrutia) elkarrizketan agertzen zaizkigu agertokian, musika eta argi fluoreszenteak lagun, eta espantsionismoa, monokultiboa eta, oro har, kapitalismoaren ajeak lerratzen dira ikuslearen gogora obraren lehen zati horretan, noiz hitzez, noiz koplaz, irriño eta irriño artean.
Bigarren zatian, "inperio ororen eta, hartara, monolaborantzaren inperioaren aurka ere badagoen euskaldun kontzientziatuari" zuzentzen zaizkio aktoreak jolasti eta barregarri, kontzientzia kritiko hori gorabehera "urtean 160 kilo zelulosa, lau eukalipto arbola" erabiltzen dituen pertsona horri, kontraesanak azaleratzeko.
Lehen saio laburtua horretan gelditu da, tamalez, baina gehiagorako gogoz gelditu garenok hainbat hitzordu ditugu aurretik "Eukalyptus" ikusteko, sarreran banatu duten paperezko eskuorriak agintzen duenez.
Lehenengo hitzorduak hauek izango dira: Aulesti (urtarrilak 19), Antzuola (urtarrilak 21), Lesaka (otsailak 25), Sara (martxoak 9), Ajangiz (martxoak 29), Bergara (apirilak 6)…
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”. Elkarrizketa osoa '12 Minutos 'saioan izango da ikusgai gaur gauean, ETB2n, Teleberriaren ostean.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.