Arantxa Gurmendi aktorea hil da, 'Goenkale' telesaileko Hortentsi
Arantxa Gurmendi aktorea hil da larunbat honetan, 79 urte zituela, EITB Mediak jakin duenez. ETB1eko 'Goenkale' telesail ezagunean Hortentsiren papera bete zuen aktore donostiarrak. 2010ean, alzheimerra atzeman zioten. Ordura arte, ibilbide profesional luzea eta oparoa izan zuen telebistan, antzerkian, zineman eta baita musikan ere, Ez Dok Amairu mugimenduaren dinamizatzailea eta Bihurriak rock taldeko kidea izan baitzen.
2021ean, alzheimerrari buruzko testigantza eman zuen Euskadi Irratian, Maite Artolak gidatutako 'Faktoria' saioan. Gurmendik onartu zuen "gogorra" dela "memoria eta burua galtzen ari zarela jakitea". Oroimena izan zen bizitza osoan gehien landu zuen arloetako bat, eta, bat-batean, eguneroko gauzak ahazten hasi zitzaizkiola konturatzea zeinen zaila zen kontatu zuen, besteak beste.
"Oso gogorra egiten zait independentzia galtzea eta norbaiten laguntza behar izatea. Oso aktiboa naiz, eta bat-batean konturatzea ezin duzula zerbait egin, norbait behar duzula laguntzeko... oso gogorra da", esan zuen Gurmendik orduan. Horren harian, ingurukoen jarrera "goraipatzekoa" zela aitortu zuen, eta senarrak ematen zion laguntza azpimarratu zuen.
EITB Maratoiarekin kolaboratu zuen Gurmendik 2016an, gaixotasun neurodegeneratiboen ikerkuntzarako dirua biltzen.
Albiste gehiago kultura
Robert Redford hil da, 89 urte zituela
Aktore, zuzendari eta aktibista estatubatuarra bere etxean hil da, Utahn, The New York Times egunkariak jakitera eman duenez.
'The Studio', 'Adolescence' eta 'The Pitt' nagusi Emmy sarietan
"The Studio" telesailak 13 sari jaso ditu eta Emmy sarien 77. edizioko garaile nagusia izan da. Los Angelesen egindako ekitaldian "The Pitt" eta "Adolescence" telesailak ere nabarmendu dira.
"The Studio", "Adolescence" eta "The Pitt" garaile Emmy sarietan
Seth Rogen protagonista duen komediak 13 sari lortu ditu guztira, tartean komedia eta aktore onenarenak, Los Angelesen egin duten Emmy sarien 77. edizioaren galan.
Jende ilara luzeak lehen ordutik Zinemaldirako sarrerak erosteko
Pertsona ugari hurbildu dira goizean Kursaalera, Donostiako Zinemaldiaren 73. ediziorako sarrerak erosteko asmoz. Sarrerak arin erosten ari dira, eta ilarak azkar doaz aurrera.
Elkarretaratzea egin dute Uztaritzen Euskal Kultur Erakundeak deituta
Frantziar estatuak aurrekontua murriztuko dio Iparraldeko kultur eragileen egitasmoak sustatzen dituen erakundeari. Egoera salatzeko protesta egin dute administrazio kontseiluaren atarian.
Saioa Alkaizak uko egin dio Igartza Sariari, “palestinar herriaren kontra gauzatzen ari den genozidioan CAFek duen inplikazioa salatzeko”
Trenak egiten dituen enpresa da sariaren diru-emaile nagusia, eta idazle eta bertsolari nafarrak saria jaso izana baliatu nahi izan du “palestinar herriarekiko elkartasuna adierazteko”.
Eduardo Chillidaren "Burdinaren gorazarrea III" eskultura Bilbora itzuli da
Eduardo Chillidaren "Burdinaren gorazarrea III" eskultura monumentala Bilboko Arte Ederren Museoaren sarreran dago jada. 2018tik Chillida Lekun egon da, kontserbazio-arrazoiengatik. Lanak lau metroko altuera eta 18 tonako pisua du, eta BBVAren enkarguz sortu zuen Eduardo Chillidak 1991n. Aurretik, bi hamarkada inguru eman zituen "Burdinaren gorazarrea III" lanak Bizkaiko hiriburuko Kale Nagusian.
'Mitoaroa III' ikuskizuna San Mames futbol-zelaira iritsiko da 2026ko ekainaren 20an
Zetak taldeak Bilbo aukeratu du bere ikuskizun arrakastatsuaren hirugarren zatirako, Bizkaia euskal kulturaren erdigunean kokatuz.
Giorgio Armani diseinatzaile italiarra hil da, 91 urte zituela
Amaierara arte nekaezina, bere azken egunetara arte lan egin zuen, eta enpresan, bildumetan eta abian diren eta etorkizunean izango diren proiektu ugarietan aritu zen.
Erakusleek Durangoko Azokan izena emateko epea, zabalik
Durangoko Azokaren 60. edizioa abenduaren 5etik 8ra egingo dute. Irailaren 30era arte eman ahalko dute izena argitaletxe, diskoetxe, ekoiztetxe, elkarte, erakunde, banatzaile eta autoekoizleek, mahaia jartzeko