“Iruña-Veleiakoa erromatar zirku bat da, esparruaren hedadurak eta inguruaren formak erakusten dutenez”
Javier Ordoño arkeologoak Euskal Herrian aurrekaririk ez duen deskubrimendua egin dutela azaldu du gaur, asteazkenarekin, "Boulevard" Radio Euskadiko saioan: 300 metro luzeko zirku erromatarra, herritarrak lasterketa eta ikuskizunen bidez entretenitzeko instalazio bat. Osorik gorde da, gainera.
Irudiak "argiak" dira, Ordoñoren ustez: "Esparrua 300 metrokoa, Iberiar Penintsulan aurkitutako beste zirku batzuen hedadura bertsukoa, izateak eta, batik bat, barrutiaren morfologiak erakusten digute erromatar zirku bat zegoela".
Elkarren paraleloak diren bi alde luzek mugatzen dute esparrua, baita bi laburrek ere; "bata porta triumphalis delakoa izango litzateke, koadriga lasterketen irabazleak irteteko atea, eta bestea, oker samarra, lasterkariak sartzeko atea".
Hiru arrazoi daude, Ordoñoren ustez, zirkutzat identifikatu dutena orain arte oharkabean pasa izana azaltzeko: "Inork ez dio begiratu ikuspegi egokitik, horrelakoak ikusteko aditua izan behar baita, eta ez da teknika egokirik erabili. Guk hainbat teknika uztartu ditugu, hala nola aireko argazkigintza, LiDAR teknologia eta drone bidezko irudiak".
Hirugarren arrazoia ei da inork ez duela une egokian begiratu. "Inguruko zereal sailen hazkunde desberdinean jarri dugu arreta, horrek hainbat egitura uzten baititu agerian. Udaberri amaierako egun jakin batzuetan soilik ikus daiteke hori, aleak oso helduta daudenean eta baldintzak aldekoak direnean oso. Nolabait esateko, zirkua lurretik nola irteten zen ikusi ahal izan genuen", adierazi du arkeologoak Radio Euskadin.
Aurkikuntzaren arduradunek beren ondorioak aletuko dituzte gaur, asteazkenarekin, goizean.
Zure interesekoa izan daiteke
"Denetariko 1.026 nobedade aurkeztuko dira Durangoko Azokan"
175 partaidek 285 erakusmahai jarriko dituzte Landakon aurten, Beñat Gaztelurrutia Durangoko Azokaren koordinatzaileak gaur aletu duenez.
Berbagailua eta Atartea guneak estreinatuko ditu Durangoko Azokak, podcasten eta Arte Ederren plazak
60. edizioan, 285 erakusmahaitan paratutako 1.000 nobedadetik gora, inoiz baino gehiago, eta 273 ekitaldi eskainiko ditu DA Kulturaren Jaialdiak. Egitarau osoa iragarri dute, gaur, Landakon.
"Olatuaren enbatean. Emakumeak eta itsasoa XX. mendean" erakusketa Bermeoko Arrantzaleen Museoan
Kostaldeko emakumeen lana funtsezkoa izan da arrantzan eta itsas historian, baina ez da aintzakotzat hartu izan; gizonezkoena izan da beti ardatz. Hori dela eta, emakume horien lanak izan duen, eta duen garrantzia aldarrikatzeko, Bermeoko Arrantzaleen Museoan Olatuaren Enbata erakusketa antolatu dute. Neskatila, saregile kontserberetako langile zein emakume armadoreen eguneroko lana erakusten duten objektuak jaso dituzte, baita emakume horien testigantzak ere. Era berean, bisita gidatuak zein hitzaldiak eta mahai inguruak eskainiko dituzte.
ZuNonHanDA! azoka ibiltariak Durangoko Azoka zabalduko du
Azaroaren 17tik abenduaren 4ra, Durangoko Kulturaren Jaialdia hasteko bezperara arte, 22 liburu aurkeztuko dituzte Euskal Herriko 19 liburu dendatan. Lehenengoz, Azoka egin aurretik egingo dute ZuNonHanDA!, bost aldiz haren ondoren egin eta gero.
"Hasiera bat" diskoaren birako azken kontzertua eman du Gorka Urbizuk, Victoria Eugenia Antzokian
Gorka Urbizuk igande honetan eman du "Tour Bat" biraren azken kontzertua, Victoria Eugenia Antzokian (Donostia). Lekunberriko musikariak 4 kontzertu eskaini ditu Donostiako antzoki horretan, eta sekulako harrera eta berotasuna jasota, denetan agortu ditu sarrera guztiak. Igandeko kontzertua ikusgai izango da oso osorik ETBn.
Eñaut Elorrieta eta Alos Quartet “Ahots kordak” prestatzen ari dira, kontzertu bakanen sorta
Estreinakoz, Eñaut Elorrietak eta Alos Quartetek kontzertu sorta bat emango dute: "Ahots kordak". Taldea sinplea eta eraginkorra izango da: soka laukote bat, ahotsaz osatua. Bidaia musikal honen lehen geldialdia Tolosan izango da, urtarrilaren 3an. Gasteizen, Zornotzan eta Donibane Lohizunen arituko dira gero.
Oinkari taldeak dantzan ospatuko du bere mende erdia
Villabonako dantza taldeak “50 urte dantzan” ikuskizuna taularatuko du Olaederra kiroldegian ostiralean, hilak 21. Korrontzi folk taldea urteurrenari batu zaio, “Oinkari 50” kantuaren bidez.
Durangoko Azokaren 60. edizioaren iragarkia
Durangoko Azokaren 60. edizioa abenduaren 5etik 8ra izango da. Iratxe Reparazen bizkar dago aurtengo Azokaren zuzendaritza kreatiboa.
Olaso Dorrea Fundazioaren funtsak handituz doaz, dohaintza baliotsuei esker
Olaso Dorrea Fundazioa bere artxiboak eta Monzon-Olaso Etxe Museoaren bilduma (Bergara) handitzeko eta aberasteko lanean ari da. XX. mendetik gaur arteko historian sakondu nahi du Fundazioak, bai eta ezagutarazi ere, eta, bide horretan, hauek jaso dituzte: Telesforo Monzonek gordetako Sabino Aranaren mikrofilmatutako obraren kopia bat, Lauaxetaren gabardina eta gurutzea, Karmele Urrestiri eta Txomin Letamendiri (Karmele filmeko protagonistak) Agirre lehendakariaren Gobernuak emandako dokumentazioa, Otaegi eta Garmendiaren aldeko pankarta, bala tiroz zulatutako Txomin Iturberen alkandora eta Txillarre baserriko lehen akordioaren originala.
“Gipúzcoa” Pio Caro Barojaren dokumentala, Tabakaleran
“Ipuscua” izena lehenbizikoz agertu zeneko milagarren urteurrenaren ospakizunei dagokie proiekzioa. Pelikula 1976 eta 1979 urteen artean filmatu zuten, eta Gipuzkoako orduko errealitate sozial eta kulturala jasotzen duen dokumentu etnografikoa da.