933 nobedade eta 200 ekitaldi, Durangoko Azokaren 59. edizioan
Bi aste falta dira Durangoko Azoka hasteko. Abenduaren 5etik 8ra, sortzailez, bitartekariz eta publikoz beteko dira Landako eta gainerako espazioak, kulturaren emailez eta hartzailez, "Hartzea ematea DA" lelopean.
Gaur aurkeztu dute Azokaren antolatzaileek egitaraua, eta aurreratu dute abenduaren 5etik 8ra 153 erakusketarik 933 nobedade (639 liburu eta 216 musika argitalpen tartean) aurkeztuko dituztela guztira 274 erakusmahaitan, eta 200 ekitaldi izango direla euskal kulturaren plaza handienean.
Durangoko Azokako guneak 10:30etik 20:00etara egongo dira zabalik, eta azken egunean, igandean, 18:00etan itxiko dituzte ateak.
Antolatzaileek programazioko hainbat ekitaldi aletu dituzte gaur San Agustin kulturgunean egindako aurkezpenean. Talaia ekitaldien gunean, berbarako, Euskadi Literatura saridunekin solasaldia egingo da, 2025eko Euskaraldiaren abestia aurkeztuko dute eta EITBrekin lankidetzan sortu den BaDAbil bideopodcastaren azken saioa grabatuko da, jendaurrean.
Museoak Nestor Basterretxeari buruzko erakusketa paratuko du, Ahotsenean 50 liburu eta 34 musika lan aurkeztuko dituzte egileek, Irudienean ikus-entzunezko 40 lan emango dituzte, tartean Irabazi Arte telesailaren denboraldi berriaren aurkezpena, Kabian AppaHi! hitanoa bultzatzeko aplikazioa aurkeztu eta Adimen Artifizialari buruzko eztabaida egingo dute eta Saguganbara haurren espazioan gorren komunitatearen ohitura eta kultura ezagutzeko liburua aurkeztuko dute.
Szenatokian, arte eszenikoen gunean, hamar konpainiak pieza laburrak eskainiko dituzte: drama, dantza eta bakarrizketak.
Abenduaren 5ean, ohi bezala, Ikasle Goizarekin izango da Durangoko Azokan, baina bisitari guztientzat egongo da zabalik Landako. Abenduaren 6an, berriz, Gazte Eztanda ospatuko dute: gazteei zuzenduriko hainbat ekintza egongo dira, baita kontzertua ere, Landako plazan jarriko duten karpan.
ETBk Hartzea ematea DA magazinea emango du egunero, eta EITBk jarraipen zabala egingo dio Durangoko Azokari bere leiho guztietan.
Beñat Gaztelurrutia Durangoko Azokaren koordinatzaileak esan duenez, "aurten, dei berezia egin gura diegu zaleei, kultur sistema osasuntsu baterako ezinbestekoak direlako".
Durangoko Azokaren aurrekontuari dagokionez, 735.000 eurokoa dela azaldu du Gaztelurrutiak. Diru horren % 57 erakunde publikoek jartzen dute, % 25 Gerediaga Elkartearen baliabide propioak dira (salmahaien alokairua gehienbat) eta % 18 babesle pribatuen ekarpena da.
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.