"Harien isla" Irati Bazetaren proiektuak jaso du Durangoko Azokaren Sormen Beka
Irati Bazeta abadiñar margolariak jaso du Sormen Beka DA Durangoko Azokak eta Durangoko Udalak esleitzen duten laguntza, horren zazpigarren edizioan. "Euskara Jendea" gaitzat hartuta, esku-hartze artistiko bat aurkeztu behar zuten bekadungaiek, eta epaimahaiak "Harien isla" Bazetaren proiektua aukeratu du 15.000 euroko dirulaguntzaren hartzekodun egokitzat.
Urtebete du orain Bazetak datorren urtean, Durangoko Azokaren 60. edizioan, aurkeztuko duen lana burutzeko. 10-12 margolanez osatutako lana izango da "Harien isla", eta hariak "proiektuaren parte izango dira". Zirriborroak egiten hasi da artista, planifikazio fasean, eta jendearen parte-hartzea bilatuko du, "sortzeko unean zein sortutakoan, hausnarketara bultzatzeko unean".
Lanaren abiapuntua egileak euskararen inguruan azkenaldian darabiltzan hainbat galdera izango dira: "Nora doa Euskara Jendea? Zer dakar Euskara Jendea izateak? Ba al dugu Euskara Jendea garenaren kontzientziarik? Euskaraz bizi edo euskarara heltzeko denok baliabide berak al ditugu? Zein egoeratan sentitu dugu hizkuntza estresa?". Erantzunak ematea baino gehiago, hausnarketarako akuilu izatea du helburu lanak, egileak berak gaur Durangon azaldu duenez.
Bazetaren lana aukeratu duen epaimahaia hauek osatu dute: Garazi Arrizabalaga Durangoko Museoko zuzendaria, Ismael Manterola EHUko Arte Ederren Fakultateko dekanoa, Oskia Ugarte Uharte Arte Garaikideko Zentroaren zuzendaria, Marina Suarez eta Maite Mugerza artista eta Tripa kolektiboko kideak eta If Matxikote Zapart Euskal Artisten Sareko kidea. Lanaren "argitasuna", erakusteko erabiliko den espaziora egokitzeko gaitasun handia duela eta artistari bere lehenengo erakusketa egiteko aukera emango diola azpimarratu dute.
Datorren urtera arte, Durangoko Azokaren 60. ediziora arte, itxaron beharko dugu emaitza ikusteko. Sormen Beka DA laguntzaren zazpigarren edizioa izan da aurtengoa. Aurreko irabazleak Atopia rol jokoa, Kai Nakai abeslaria, Bañolet ikus-entzunezko lana, Barraka bideojokoa, Eukalyptus antzezlana eta Argizagi. Zubiak adiskidetasunentzat telesaila izan dira.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”. Elkarrizketa osoa '12 Minutos 'saioan izango da ikusgai gaur gauean, ETB2n, Teleberriaren ostean.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.