Lanarteak sei proposamen egin ditu euskarazko sortzaileen prekarietatea borrokatzeko
Lanartea elkarteak Euskal Artisten Lan eta Baldintzen Inkesta Kuantitatiboaren emaitza nagusiak aurkeztu ditu, Donostian. Profesionalki zein ez profesionalki jardun artistikoan diharduten 245 pertsonak erantzun diote "sindikatu bokazioa" duen erakundearen galdetegiari.
Pertsona horien artean, jarduera artistikoa ogibide bakar edo nagusi dutenek (guztien % 40) 12.330 euro (1.027 euro hilean) eta 24.286 euro irabazi zituzten batez beste, hurrenez hurren. Jarduera artistikoa ogibide nagusi duten horien artean, gainera, % 30,7k 15.000 euroko edo gutxiagoko diru sarrera gordinak izan zituzten, Hegoaldeko lanbide arteko soldataren azpitik eta Ipar Euskal Herrikoaren "oso azpitik".
Horren aurrean, Amagoia Gurrutxaga Lanartea elkarteko koordinatzaileak adierazi du egon badaudela "inkestak agerian uzten duen panorama hobetzeko tresnak": "Ezin da betikotu, normalizatu, sektore bat hain baldintza kaskarretan bizitzea. Ezin diogu hau opa etorkizun diren euskal kulturgileei".
Horregatik, sei proposamen egin dituzte: euskaraz sortutako kulturaren legea sortzea; sortzaileen eta interpreteen lan baldintzak erdigunean jartzea eta hizkuntza zehar lerro gisa erabiltzea kultur sistemari dagozkien politikak egiteko orduan; eta EITBk euskal kulturaren alde egiteko hartuko dituen neurrien inguruko eztabaida abiatzea, besteak beste kuota sistemak ezartzeari eta EITBko eskaintza guztia euskarara azpititulatuta eta bikoiztuta eskaintzeari buruz.
Laugarren proposamena euskarazko kulturaren aldeko gutxieneko kuotak hedabideetan, erakunde publikoen kultur programazioan eta sustapen eta babes lerroetan ezartzea da; bosgarrena euskarazko kultura Euskal Herrian ikusgarri egiteko planak eta zirkuituak onduko dituen Etxebarru Institutua sortzea; eta seigarrena erakunde publikoek artistekiko harremanetan izan beharreko gutxieneko praktika onak adostea.
Lanarteak dei egin die artistei "beren eskubideen alde aktibatu daitezen", herritarrei "kulturaren alde para daitezen" eta erakunde publikoei "sektorearen aldeko politikak diseinatu eta gauzatu ditzaten".
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.