Blanca Portillo, El Brujo eta Kepa Junkera, Principal Antzokian
Blanca Portillo, Gonzalo de Castro, Rafael Alvarez ‘El Brujo’, Gorka Otxoa, Concha Velasco, Raphael, Leo Harlem, Kepa Junkera... Otsailetik aurrera, aktore eta musikari horiek eta gehiago igoko dira Gasteizko antzokiko agertokira.
Orotara, 61 proposamen eszeniko “kalitatezko eta plural” eskainiko dituzte, Gasteizko Udaletik adierazi dutenez. Denetarik egongo da: flamenkoa, popa, umorea, zirkua…
Urtarriletik ekainera, zer ikusi egongo da Arabako hiriburuan: Concha Velasco aktoreak Olivia y Eugenio lana ekarriko du, Herbert Moroteren drama bat, Jose Carlos Plazaren zuzendaritzapean.
Halaber, Blanca Portillo bi lanek ekarriko dute Gasteizera, zuzendari eta aktore moduan. Izan ere, Don Juan Tenorio klasikoaren egokitzapen bat egin du eta, aktore gisa, El testamento de María lanean Meryl Streepentzat idatzi zuten paper bat egiten du.
Antzerki programazioan Invernadero Harold Pinter britainiar antzerkigile eta poetaren lana ere agertzen da. Besteak beste, Gonzalo de Castro, Tristan Ulloa eta Isabell Stoffel aktoreek lan egiten dute obra horretan.
Halaber, Broadwayn arrakasta handiz erakutsi duten lan baten gaztelaniazko egokitzapena ere izango dute ikusgai gasteiztarrek eta bisitariek: Lluvia constante, Roberto Alamo eta Sergio Peris Mencheta aktoreekin.
Euskarazko eskaintzari dagokionez, Erdibana umorezko lana, Txapeldun Kepa Junkera eta Eneko Balerdiren lan osoa eta Jokoz kanpo, Pricipal Antzokia futbol-zelai bilakatuko duen antzezlana, ikusi eta entzun ahalko dira.
Gainera, balletaren zaleek Les Ballets Jazz Montrealez, Argentinako Ballet Nazionalaz eta Oier Lopez de Luzuriagaren lanaz gozatu ahalko dute.
Musikari dagokionez, besteak beste, De amor y desamor Raphaelen disko berriaren aurkezpena, Baserria zarzuelaren familia osoarentzako bertsioa, Mother Africa zirkua, La Traviata eta Amaia Monteroren disko berriaren aurkezpena ikusi ahalko dira Principal Antzokian.
Umorezko emanaldiak ere egongo dira: Leo Harlem, Els Joglars, Joaquin Reyes, Ernesto Sevilla…
Zure interesekoa izan daiteke
Euskal Herriko emakume meatzarien historia ikusezina taularatu du Kalamua Sopelako taldeak
Kalamua Sopelako antzerki taldeak Euskal Herriko emakume meatzarien historia taularatu du Alas de hierro lanarekin. Taldea osatzen duten sei emakumeek sormena, aldarrikapena eta umorea uztartu dituzte. Ez dute emakume meatzarien abesti edo ereserkirik aurkitu, asko bilatu badute ere, baina hori ez da oztopo izan.
:eitb-square?$eitb-square$&fmt=webp-alpha&qlt=80, default=https://eitb.scene7.com/is/image/eitb/Itzulera_Dejabu © Renata Etanowski (3)?fmt=webp-alpha&qlt=80, banner_small=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-small?$eitb-banner-small$&fmt=webp-alpha&qlt=80, banner_header=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-header?$eitb-banner-header$&fmt=webp-alpha&qlt=80, cintillo=https://eitb.scene7.com/is/image/eitb/Itzulera_Dejabu © Renata Etanowski (3):eitb-cintillo?$eitb-cintillo$&fmt=webp-alpha&qlt=80, banner=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner?$eitb-banner$&fmt=webp-alpha&qlt=80, mini_square=https://eitb.scene7.com/is/image/eitb/Itzulera_Dejabu © Renata Etanowski (3):eitb-mini-square?$eitb-mini-square$&fmt=webp-alpha&qlt=80, portrait=https://eitb.scene7.com/is/image/eitb/Itzulera_Dejabu © Renata Etanowski (3):eitb-portrait?$eitb-portrait$&fmt=webp-alpha&qlt=80, banner_2x1=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-2x1?$eitb-banner-2x1$&fmt=webp-alpha&qlt=80, semi_square=https://eitb.scene7.com/is/image/eitb/Itzulera_Dejabu © Renata Etanowski (3):eitb-semi-square?$eitb-semi-square$&fmt=webp-alpha&qlt=80, banner_mobile=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-mobile?$eitb-banner-mobile$&fmt=webp-alpha&qlt=80})
“Itzulera” Dejabu konpainiaren lanak irabazi du Donostia Antzerki saria
2025ean Donostian konpainia profesional batek euskaraz publiko helduarentzat egin duen lan onena izan da, epaimahaiaren arabera. 12.000 euroko saria eta margolan bat jasoko du konpainiak sari gisa, martxoaren 27an, eta antzezlan irabazlea taularatuko dute.
Lautan Hiru antzerki jaialdiak zortzi ikuskizun eskainiko ditu
Lau astez egingo dituzte antzerki emanaldiak Bilbon, ostegunetan, eta Baionara ere iritsiko da jaialdia, apirilaren 17an.
“7 urte” euskaraz estreinatuko dute
Agurtzane Intxaurragak film eta antzezlanaren egokitzapena egin du, eta gaur emango dute lehenengoz, Basaurin, Kandido Uranga, Jon Olivares, Iñigo Gastesi, Dorleta Urretabizkaia eta Aitor Beltran aktoreek.
"Kandida" Patxo Telleriaren antzezlana estreinatuko dute, Bilbon
Miren Gaztañaga, Nerea Mazo eta Mikel Martinez dira Arriaga antzokian otsailaren 3an estreinatuko den euskarazko ekoizpenaren protagonistak.
Tanttakak "Desobedienteak 18/98" antzezlana estreinatuko du Arriagan
Maria Goiricelayak idatzi eta Fernando Bernuesek eta Mireia Gabilondok egokitu eta zuzendu duten antzezlanak desobedientzia zibilaren ibilbide bat marraztu, eta 18/98 sumarioan murgiltzen du ikuslea. Euskarazko bertsioa gaur, urtarrilak 8, estreinatuko dute, Arriagan, eta gaztelaniazkoa bihar, urtarrilak 9, agertoki berean. Gero, biran izango da ikuskizuna: Eibar, Zarautz, Donostia, Gasteiz, Barakaldo, Hondarribia...
Antzerkia eta dantza asko, dFERIAko 31 ikuskizunetan
Arte eszenikoen Donostiako azokaren 32. edizioko eskaintzaren % 15 izango da euskaraz. Tanttaka Teatroak 'desobedienteak 18/98' auziari buruzko antzezlana aurkeztuko du martxoaren 15ean.
Arriagak kontzertua eta antzerki ibilbideak eskainiko dizkio izena eman zion konpositoreari
2026ko urtarrilaren 17an Juan Crisostomo de Arriaga konpositorearen heriotza goiztiarraren (19 urte zituela hil zen) 200 urte beteko direla eta, haren izena daraman Bilboko antzokiak proposamen bikoitza egingo du. Urtarrilaren 17an, La Ritirata Josetxu Obregón bilbotar musikariak zuzendutako orkestrak Arriaga y el eco de su tiempo kontzertua eskainiko du, eta urtarrilaren 10ean eta 24an, eta otsailaren 1ean, goizez, Koldo Olabarrik eta Ainhoa Etxebarria aktoreek prestatutako antzerki ibilbideak izango dira. Kontzerturako sarrerak 26 eta 52 euro bitarteko prezioan eros daitezke, eta ibilbideetakoak 15 euroan.
"Muro de piedra" antzezlanak inauguratuko du Pabellon 6ko Gazte Konpainiaren espazio berria, Bilbon
Bilboko udal antzoki berrian ikusiko den lehen antzezlana "oroitzapen baten historia da". Torremolinoseko Pasaje Begoña kalezulo txikian, polizia-sarekada masibo bat egin zuten errepresio frankistatik ezkutuan askatasunez bizitzen saiatzen ari zirenen kontra, 1971an. Markel Hernandezen testua Aritz Castillok, Nora Urdanpilletak, Nerea Sanzek, Pino de Pablosek, Markel Urrestarazuk eta Arnatz Puertasek zuzendu, sortu eta interpretatu dute, talde lanean. Guk Sanzekin eta Castillorekin hitz egin dugu. Emanaldiak azaroaren 6tik 23ra egingo dituzte, ostegunetik igandera.
“Dena egiteke dago”tik “Dena eginda dago”ra arteko tentsioan mugituko da “Ikimilikiliklik Vol.2” lan berria
Edurne Azkarate zuzendari artistikoaren gidaritzapean, Loraldia festibalaren ikuskizun berriak Laboa, Artze anaien eta Zumetaren jatorrizko lanaren espiritu esperimental eta abangoardiazkoa berpiztu nahi du musika, poesia, dramaturgia eta zuzeneko ikus-entzunezkoen bidez.