Antzerkia eta dantza asko, dFERIAko 31 ikuskizunetan
Arte eszenikoen Donostiako azokaren 32. edizioko eskaintzaren % 15 izango da euskaraz. Tanttaka Teatroak 'desobedienteak 18/98' auziari buruzko antzezlana aurkeztuko du martxoaren 15ean.
?ts=1766045389134&dpr=off&fmt=webp-alpha&qlt=80 "Danish Dance Theatre taldearen 'Bloody Moon by Marina Mascarell' filmak irekiko du Dferia. Argazkia: Jubal Battisti")
Danish Dance Theatre taldearen "Bloody Moon by Marina Mascarell" ikuskizunak irekiko du dFERIA. Argazkia: Jubal Battisti
dFERIA arte eszenikoen Donostiako azokaren 32. edizioa martxoaren 14tik 18ra egingo dute, eta 31 ikuskizun oholtzaratuko dituzte guztira, beste horrenbeste konpainiaren eskutik; horien ia erdiak dantza emanaldiak izango dira eta besteak antzezlanak, horien % 15, euskarazkoak.
Sarrerak abenduaren 19an jarriko dituzte salgai, Donostia Kulturaren webgunean.
Bloody Moon by Marina Mascarell Danis Dance Theatreren lanak irekiko du dFERIA, Victoria Eugenian, artista gonbidatutzat Danimarka eta ardaztzat “legatua” izango dituen edizioan.
Danimarkatik etorriko dira, halaber, Uppercut Danseteaterren Samba, (martxoak 15 eta 16, Tabakaleran), eta Paolo Naniren La carta antzezlana, keinu antzerki garaikidearen klasikotzat jotzen den introspekzio-ariketa.
Victoria Eugenia Antzokian, Tanttaka Teatroak Desobedienteak estreinatuko du martxoaren 15ean, 18/98 sumarioa ardatz duen antzezlan politikoa.
Gainera, Led Silhuettek eta Iruñeko Ganbera Abesbatzak ezkontza-erritua berrikusiko dute martxoaren 17an erakutsiko duten ikuskizunean, gorputzaren mugimenduen, zuzeneko musikaren eta irudien bidez, Victoria Eugenian bertan, eta antzoki horretako programazioa Sisifos zirku garaikideko ikuskizunak itxiko du.
Ane Gabarain aktorea Jose Millan-Astray Espainiako Legioaren sortzailearen larruan jarriko da Cantando bajo las balas lanean, Antzoki Zaharreko programazioari hasiera emateko, eta Sensación térmica K Produccionesen lanak itxiko du espazio horretako egitaraua, Vanessa Espinek eta Adolfo Fernandez joan den ostiralean zendu zen aktore eta zuzendariaren lanak.
Euskarazko eskaintzari dagokionez, Txalo Produccionesen Arizona, Aitziber Garmendia eta Jon Plazaola protagonista dituena; 52 Hertz , Ados Teatroarena; eta Dejabu konpainiaren Itzulera nabarmentzen dira.
Zure interesekoa izan daiteke
Arriagak kontzertua eta antzerki ibilbideak eskainiko dizkio izena eman zion konpositoreari
2026ko urtarrilaren 17an Juan Crisostomo de Arriaga konpositorearen heriotza goiztiarraren (19 urte zituela hil zen) 200 urte beteko direla eta, haren izena daraman Bilboko antzokiak proposamen bikoitza egingo du. Urtarrilaren 17an, La Ritirata Josetxu Obregón bilbotar musikariak zuzendutako orkestrak Arriaga y el eco de su tiempo kontzertua eskainiko du, eta urtarrilaren 10ean eta 24an, eta otsailaren 1ean, goizez, Koldo Olabarrik eta Ainhoa Etxebarria aktoreek prestatutako antzerki ibilbideak izango dira. Kontzerturako sarrerak 26 eta 52 euro bitarteko prezioan eros daitezke, eta ibilbideetakoak 15 euroan.
"Muro de piedra" antzezlanak inauguratuko du Pabellon 6ko Gazte Konpainiaren espazio berria, Bilbon
Bilboko udal antzoki berrian ikusiko den lehen antzezlana "oroitzapen baten historia da". Torremolinoseko Pasaje Begoña kalezulo txikian, polizia-sarekada masibo bat egin zuten errepresio frankistatik ezkutuan askatasunez bizitzen saiatzen ari zirenen kontra, 1971an. Markel Hernandezen testua Aritz Castillok, Nora Urdanpilletak, Nerea Sanzek, Pino de Pablosek, Markel Urrestarazuk eta Arnatz Puertasek zuzendu, sortu eta interpretatu dute, talde lanean. Guk Sanzekin eta Castillorekin hitz egin dugu. Emanaldiak azaroaren 6tik 23ra egingo dituzte, ostegunetik igandera.
“Dena egiteke dago”tik “Dena eginda dago”ra arteko tentsioan mugituko da “Ikimilikiliklik Vol.2” lan berria
Edurne Azkarate zuzendari artistikoaren gidaritzapean, Loraldia festibalaren ikuskizun berriak Laboa, Artze anaien eta Zumetaren jatorrizko lanaren espiritu esperimental eta abangoardiazkoa berpiztu nahi du musika, poesia, dramaturgia eta zuzeneko ikus-entzunezkoen bidez.
Ximun Fuchs: "Arkeologia antzerkiaren metafora da, arrasto humanoekin istorioak kontatzen ditugu"
Artedrama eta Axut konpainiek "Nor naizen baneki" antzezlana estreinatuko dute ostiral honetan, urriak 17, Luhuson. Harkaitz Canok eta Ximun Fuchsek idatzi dute, eta azken horrek zuzendu du. "Ez ote da antzerkia barne indusketarako tresnarik onena?", galdetzen dute antzezlanaren arduradunek.
Calixto Bieitok bere Rikardo III. "itxuragabe eta makiavelikoa" erakutsiko du Arriagan
Arriaga Antzokiak "La maldad de Ricardo III" antzezlana taularatuko du, Joaquín Furriel protagonista duen lana.
"The Rocky Horror Show" musikala, Arriagan
Richard O'Brienen musikala Londreseko ekoizpenarekin iritsiko da Bilbora, jatorrizko bertsioan, euskarazko eta gaztelaniazko gainidatziekin. Urriaren 8tik 12ra izango da ikusgai.
Lauza horiko bidea Bilbora iritsi da
Euskalduna Bilbaok Andrew Lloyd Webberren musikalaren bertsio berri bat aurkeztuko du, abenduaren 23tik aurrera. Urtarrilaren 6ra arte egongo da ikusgai.
Pabellon 6 bota eta berritu aurreko azken emanaldia egin dute
14 urteren ondoren eta 2.200 ikuskizun ingururen ostean, Bilboko Pabellon 6 antzokia bota egingo dute, baina berreraikitzeko izango da. Urriaren 5ean, igandean, eskaini dute azken emanaldia. Bertan sarritan antzeztutako Ay, Carmela lana aukeratu dute etapa bati agur esateko.
?fmt=webp-alpha&qlt=80)
Ados Teatroak bakardadeari helduko dio “52 hertz” antzezlan berrian
Jose Antonio Vitoriak eta Garbi Losadak gizarte isolamenduari buruz idatzi duten lana urriaren 3an eta 4an, euskaraz, eta urriaren 5ean, gaztelaniaz, taularatuko dute estreinakoz.