Museoa irekitzeko, erakundeek proiektuan parte hartzea eskatu dute
Chillida-Leku museoa berriz irekitzeko, Eduardo Chillida Fundazioarekin proiektu iraunkorra sina dezatela eskatu die gaur Eusko Legebiltzarrak Eusko Jaurlaritzari eta Gipuzkoako Foru Aldundiari. Legebiltzarrak erakundeen partaidetzan oinarritutako akordioa sinatzeko eskatu du, zuzenketa baten bidez.
Joan den urtarrilaren 1ean itxi zuten Eduardo Chillida eskultorearen lana bilatzen duen museoa, arazo ekonomikoek bultzatuta. Artistaren familiak hainbat bilera egin ditu azken hilabeteotan Eusko Jaurlaritzako Kultura Sailarekin, museoaren jarraipena bideragarri egingo lukeen konponbide baten bila.
Eusko Legebiltzarrak PP, PSE-EE, EAJ eta EB alderdiek sinatutako erdibideko zuzenketa onartu du. UPyD eta EA alderdiek baiezko botoa eman diote proposamen honi, eta Aralar abstenitu egin da.
Zuzenketa horretan, Eduardo Chillida Fundazioarekin proiektu iraunkorra sina dezatela eskatzen diete Eusko Jaurlaritzari eta Gipuzkoako Foru Aldundiari, museoa berriz ireki ahal izateko. Proposamenak jasotzen duenez, kudeaketa eta bideragarritasun ekonomikoa bermatu eta, aldi berean, artistak museoa sortzeko izan zuen espiritua gordetzea bilatu beharko luke balizko akordioak.
Gainera, onartutako zuzenketa horrek jasotzen duenez, akordioaren ondorioz erakunde publikoek museoaren ondarean eta kudeaketan parte hartuko balute, Chillida-Leku Euskadiko museoen sarean sartu beharko litzateke.
Gaurko saioan Luke Uribe-Etxebarria EAJko legebiltzarkideak adierazi duenez, erakunde publikoek museo pribatu bati egin beharko lioketen ekarpena ez litzateke ''diru laguntza sinple'' bat bakarrik izan beharko. Haren ustetan, erakunde horiek kudeaketa eta ondare erabakietan parte hartzeko gaitasuna izan beharko lukete kasu horretan.
Zure interesekoa izan daiteke
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.
Marie Leczinska Frantziako erreginaren erretratu ofiziala, Baionako Bonnat Helleu museoan ikusgai
Frantziako Maria erreginaren erretratua 1748koa da. Jatorrizko bertsioa Versalleseko Jauregian dago, eta mexikar eta euskaldun jatorriko familia batek laga dio Baionako museoari. Museo zaharberritua ireki eta lehen hamar asteetan, 50.000 bisitari baino gehiago jaso dizute Bonnat Helleun; % 30 baionarrak, beste heren bat euskal herritarrak, eta, gainerakoak, kanpokoak.
Denise Scott Brown arkitektoari buruzko atzera begirakoa aurkeztu du Bilboko Arte Ederren Museoak
Denise Scott Brown (Nkana, Zambia, 1931) XX. mendeko bigarren erdialdeko arkitektorik garrantzitsuenetakoa da. Bidaiari, argazkilari eta aktibistaren lanaren gaineko erakusketa hiru ataletan egituratuta dago: hiria, kalea eta etxea.
Arte Ederren Bilboko Museoak Jose Antonio Azpilkuetaren 12 marrazki jaso ditu
Jose Ignacio Olave arte editoreak eman ditu grabatuok, dohaintzan. Edwar Hopper margolari estatubatuarraren pinturan oinarrituta daude marrazkiok, eta apirilaren 19ra arte egongo dira ikusgai.
Arte galeriak astebetez itxiko dituzte, kultur arloko produktu eta zerbitzuen BEZa % 10etik beherakoa izatea eskatzeko
2022an Europan onartutako araudia bete eta kultur arloko produktu eta zerbitzuei BEZ murriztua ezar diezaieten eskatzen dute. Zineman, antzerkian eta literaturan, adibidez, murrizketa hori indarrean da jada, baina, beste herrialdeetan ez bezala, artelanen salmenta kanpoan geratu da. Hori dela eta, otsailaren 2tik 7ra bitartean, galeriek ez dituzte ateak zabalduko.
Artium Museoak AMA ikasketa zentroa sortu du
“Arte garaikideari buruz modu kritikoan pentsatzea” da helburua. Otsailean, 1976ko martxoaren 3an Gasteizen izandako hilketari buruzko memoria ariketa proposatuko du.
Piranesiren grabatuak, Durangoko museoan
Durangoko Arte eta Historia Museoak “Giovanni Battista Piranesi. Erroma amestua” erakusketa du ikusgai apirilaren 26ra arte. Itzal handia izan duen XVIII. mendeko sortzailea izan zen Giovanni Battista Piranesi. Veneton ikasi zuen arkitektoak grabatugintza landu zuen, batez ere, Erroman. José Ignacio Olaveren bilduma da erakusketaren oinarria, eta Garazi Arrizabalaga Durangoko museoaren zuzendaria izan da komisarioa.
Ukitzeko Artea programako beste lan bat aurkeztu du Arte Ederren Bilboko Museoak, pertsona itsuentzat
Luis Melendez artistaren obra baten ukitzeko bertsioa aurkeztu du gaur Arte Ederren Bilboko Museoak. Lan hori eta aurreko hamar edizioetako beste batzuk Bizkaiko 16 ikastetxetan erakutsiko dituzte. Ikusmen arazoak dituzten ikasleei artearen esperientziaz gozatzeko aukera emango die, eta gainerako ikasleek, begiak tapatuta dituztela, ikusmen gabeziaren ondorioak sentituko dituzte.
Zirkulu batetik begira begiraden zirkulu batean , Artiumen
Euskal Herriko Arte Garaikidearen Gasteizko Museoak abuztuaren 30era arte izango du ikusgai Zirkulu batetik begirada begiraden zirkulu batean erakusketa. Hogei artista eta kolektibok hartu dute parte "pentsamendu dekolonialaren, zibernetikaren eta feminismoen eragina duten praktiken genealogia" proposatzen duen bilduman.
Behaketa patxadatsu eta arretatsuaren aldarrikapena, Tabakaleran
"Strong back, soft front" Maite González Martínezen bideo eta collageen erakusketa Iñigo Villafranca Apesteguiak komisariotu du. Martxoaren 2ra arte egongo da ikusgai, "begiratzeko beste modu bat" proposatzen duen bilduma Donostiako zentroan.