Baimenik gabe marrazkiak erakusteagatik Altxerri salatu du Asinsek
Elena Asins arkitektoak Donostiako Altxerri galeria salatu du bere artelanak baimenik gabe ari dela saltzen ARCO azokan, prezioa adostu gabe, eta bere sinadura izan gabe.
Artista madrildarrak esan du Altxerrik bere zortzi marrazki saldu dituela. Lanekin ez omen zen gustora gelditu Asins eta horregatik ez zituen sinatu, hori da artistak dioena, eta orain jakin du Altxerrik bere baimenik gabe salgai jarri dituela ARCOn.
Juan Ignazio Garcia Velilla Altxerriren jabeak ukatu egin du salaketa. Batetik, marrazkiak Elena Asinsek sinatuta daudela erantzun du, eta bestetik ARCO galerien azoka dela, eta galeriek erabakitzen dituzutela zeintzuk eraman eta zeintzuk ez. Elena Asinsen lan hauek Altxerrirenak direla eta artistak sinatu zituela dio, eta hor bukatzen dela eztabaida.
Dirudienez, Altxerri Asinsekin harremanetan jarri da artistaren erakusketa monografikoa egiteko. Bi aldeak ados jarri ez zirenez, Altxerrik, galeriaren jabetza diren Asinsen beste artelanak eramatea erabaki zuen, eta hau ez da izan, begibistakoa denez, Elena Asinsen gustoko izan.
Altxerrik, bere aldetik, neurri legalak ezarriko dituela esan du.
Baina ARCOn izandako polemika ez da hor gelditzen, arte garaikidea probokatzailea baita askotan. Francisco Franco fundazioak diktadorea izoztuta agertzen den eskulturaren egilea salatuko du, iraingarria dela uste dutelako. Bitartean, ADN galeriako jabeek ez dute polemikaren inguruan hitz egin nahi izan, baina beraien txokoak bisita asko jaso ditu gaur.
Zure interesekoa izan daiteke
"Barreiatutako paisaiak": Euskal industriaren margoak, San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. "Barreiatutako paisaiak" izena du erakusketak, eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.