Goyaren lan 'berria', egongelatik museora
Ez da batere ohikoa Francisco de Goyaren obra berriak aurkeztea, eta are bitxiagoa orain azalduko dizuegun istorioa. Polita zelako kasualitatez erosi eta Gasteizko familia batek 50 urtez izan du margolana logelan jarrita, norena zen jakin gabe. Orain, Arabako Arte Ederren Museoan izango da urtebetez.
Gasteizko altzari denda batean erosi zuten duela 50 urte, norena zen jakin gabe, ederra iruditu zitzaielako.
50 urtez logelan egon da zintzilik, kasualitatez Fernando Tabarrek aurkitu zuen arte. Orain, leku hori utzi, eta Arabako Arte ederren Museoko pareta honetan izango da urtebetez.
Ez dago dudarik, Pradoko Museoak ere onartu du. Estilo eta kalitateagatik egotzi zaio Goyari. Izan ere, Zaragozako Aula Deirako egindako margoekin antza handia du.
Francisko Goyak 30 urte bete gabe zituenean margotu zuen, 1774an, Madrilera joan aurretik.
Ez da batere ohikoa Francisco de Goyaren obra berriak aurkeztea, eta are bitxiagoa orain azalduko dizuegun istorioa. Polita zelako kasualitatez erosi eta Gasteizko familia batek 50 urtez izan du margolana logelan jarrita, norena zen jakin gabe. Orain, Arabako Arte Ederren Museoan izango da urtebetez. Gasteizko altzari denda batean erosi zuten duela 50 urte, norena zen jakin gabe, ederra iruditu zitzaielako. 50 urtez logelan egon da zintzilik, kasualitatez Fernando Tabarrek aurkitu zuen arte. Orain, leku hori utzi, eta Arabako Arte ederren Museoko pareta honetan izango da urtebetez. Ez dago dudarik, Pradoko Museoak ere onartu du. Estilo eta kalitateagatik egotzi zaio Goyari. Izan ere, Zaragozako Aula Deirako egindako margoekin antza handia du. Francisko Goyak 30 urte bete gabe zituenean margotu zuen, 1774an, Madrilera joan aurretik.
Zure interesekoa izan daiteke
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Javier Ortiz de Guinea gasteiztar margolaria zendu da
Arabako paisajista eta erretratugileak 79 urte zituen, eta haren lanak, besteak beste, Arabako Arte Ederren Museoko eta Eusko Legebiltzarreko hormetan daude zintzilik.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Eusko Jaurlaritzak Espainiako Gobernuari eskatu dio "Gernika" Guggenheimen egon dadin bederatzi hilabetez
Ibone Bengoetxea lehendakariorde eta Kultura sailburuaren arabera, keinuak "balio sinboliko handia" izango luke Espainiako Gobernuaren partetik, Jaurlaritzaren eta Gernikako bonbardaketaren 90. urteurrenean gertatuko litzateke eta. Ernest Urtasun Kultura ministroari egin dio eskaera, Madrilen egindako bilera batean.
Mikel Chillidak hartuko du Chillida Lekuren zuzendaritza
Museoaren "etorkizuna zehazten laguntzea benetako pribilegioa" dela esan du Eduardo Chillida artistaren bilobak. Apirilaren 1ean hartuko du kargua.
"Barreiatutako paisaiak": Euskal industriaren margoak, San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. "Barreiatutako paisaiak" izena du erakusketak, eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".