Artium museoak 2013ko programazioa aurkeztu du
Gasteizeko Arte Garaikideko Euskal Zentro-Museoak 2012. urtea 103.000 bisitari erakarrita itxiko du, 2011n baino % 10 gehiago. Hala ere, 2013a lan-erregulazioko txosten batekin eta aurrekontua % 25 murriztuta hasiko du.
Iciar Lamarain Artium Fundazioko Zuzendaritzako presidenteak eta Daniel Castillejo zuzendariak aurkeztu dute 2013ko jardueren programazio berria. Gastuak murriztu egin behar izan dituztela eta, agian, lantaldea murriztu beharko dutela azaldu dute.
Lan Ordezkaritzak oraindik onartu ez badu ere, lan-erregulazioko txostenak Artiumeko 26 langileetatik 3 kaleratzea, beste 8ri lanaldia murriztea eta soldata % 14 murriztea aurreikusten du.
Proposamenak
Katarina Zdjelar artista serbiarraren "Of More Than One Voice" erakusketarekin (urtarrilaren 25etik apirilaren 28ra) hasiko da programazioa. Lan honetan, hizkuntzari buruzko eta hizkuntzak erkidego bati nortasuna emateko eta, aldi berean, erkidegoa eraldatzeko duen gaitasunari buruzko azken urteotako lanarekin jarraitzen du.
Artista serbiarraren erakusketaren ondoren, Iñaki Larrimbe artista arabarraren "Feria" erakusketa egingo da (maiatzaren 17tik irailaren 1era). Kultur eta turismoari buruzko gogoeta proposatzen du Larrimbek, eta feria- eta kirol-atrakzio modukoak osatzen dituzten instalazio-esperientzia parte-hartzaile sorta baliatzen du.
"Ez ukitu, arren" (maiatzaren 18tik irailaren 1era) proiektu kolektiboa da, Jorge Luis Marzo du komisario, eta Joan Fontcubertak, Andres Hispanok, Felix Perez Hitak, Mireia Saladriguesek, Guilllermo Trujillanok eta Arturo "Fito" Rodriguezek hartzen dute parte bertan. Museoetako diziplinak eta aginte-mekanismoek publikoaren eta artelanen arteko harremana baldintzatzen dutela erakustea da proiektuaren oinarria.
Artiumek bi erakusketa aurkeztuko ditu udazkeneko denboraldiari hasiera emateko (urriaren 5etik aurrera). Lehenengoa "Indarkeria ikusezina" da, Belgradeko Arte Garaikideko Museoaren eta Sligoko The Model (Irlanda) museoaren arteko nazioarteko koprodukzioa da. Euskadiko, Serbiako eta Irlandako artisten lanak abiapuntutzat hartuta, proiektuak indarkeriaren hainbat geruza aztertzen ditu.
Denboraldiari hasiera emateko prestatutako bigarren erakusketa Artium Bildumaren aurkezpen berria da.
Zure interesekoa izan daiteke
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.
Marie Leczinska Frantziako erreginaren erretratu ofiziala, Baionako Bonnat Helleu museoan ikusgai
Frantziako Maria erreginaren erretratua 1748koa da. Jatorrizko bertsioa Versalleseko Jauregian dago, eta mexikar eta euskaldun jatorriko familia batek laga dio Baionako museoari. Museo zaharberritua ireki eta lehen hamar asteetan, 50.000 bisitari baino gehiago jaso dizute Bonnat Helleun; % 30 baionarrak, beste heren bat euskal herritarrak, eta, gainerakoak, kanpokoak.
Denise Scott Brown arkitektoari buruzko atzera begirakoa aurkeztu du Bilboko Arte Ederren Museoak
Denise Scott Brown (Nkana, Zambia, 1931) XX. mendeko bigarren erdialdeko arkitektorik garrantzitsuenetakoa da. Bidaiari, argazkilari eta aktibistaren lanaren gaineko erakusketa hiru ataletan egituratuta dago: hiria, kalea eta etxea.
Arte Ederren Bilboko Museoak Jose Antonio Azpilkuetaren 12 marrazki jaso ditu
Jose Ignacio Olave arte editoreak eman ditu grabatuok, dohaintzan. Edwar Hopper margolari estatubatuarraren pinturan oinarrituta daude marrazkiok, eta apirilaren 19ra arte egongo dira ikusgai.
Arte galeriak astebetez itxiko dituzte, kultur arloko produktu eta zerbitzuen BEZa % 10etik beherakoa izatea eskatzeko
2022an Europan onartutako araudia bete eta kultur arloko produktu eta zerbitzuei BEZ murriztua ezar diezaieten eskatzen dute. Zineman, antzerkian eta literaturan, adibidez, murrizketa hori indarrean da jada, baina, beste herrialdeetan ez bezala, artelanen salmenta kanpoan geratu da. Hori dela eta, otsailaren 2tik 7ra bitartean, galeriek ez dituzte ateak zabalduko.
Artium Museoak AMA ikasketa zentroa sortu du
“Arte garaikideari buruz modu kritikoan pentsatzea” da helburua. Otsailean, 1976ko martxoaren 3an Gasteizen izandako hilketari buruzko memoria ariketa proposatuko du.
Piranesiren grabatuak, Durangoko museoan
Durangoko Arte eta Historia Museoak “Giovanni Battista Piranesi. Erroma amestua” erakusketa du ikusgai apirilaren 26ra arte. Itzal handia izan duen XVIII. mendeko sortzailea izan zen Giovanni Battista Piranesi. Veneton ikasi zuen arkitektoak grabatugintza landu zuen, batez ere, Erroman. José Ignacio Olaveren bilduma da erakusketaren oinarria, eta Garazi Arrizabalaga Durangoko museoaren zuzendaria izan da komisarioa.
Ukitzeko Artea programako beste lan bat aurkeztu du Arte Ederren Bilboko Museoak, pertsona itsuentzat
Luis Melendez artistaren obra baten ukitzeko bertsioa aurkeztu du gaur Arte Ederren Bilboko Museoak. Lan hori eta aurreko hamar edizioetako beste batzuk Bizkaiko 16 ikastetxetan erakutsiko dituzte. Ikusmen arazoak dituzten ikasleei artearen esperientziaz gozatzeko aukera emango die, eta gainerako ikasleek, begiak tapatuta dituztela, ikusmen gabeziaren ondorioak sentituko dituzte.
Zirkulu batetik begira begiraden zirkulu batean , Artiumen
Euskal Herriko Arte Garaikidearen Gasteizko Museoak abuztuaren 30era arte izango du ikusgai Zirkulu batetik begirada begiraden zirkulu batean erakusketa. Hogei artista eta kolektibok hartu dute parte "pentsamendu dekolonialaren, zibernetikaren eta feminismoen eragina duten praktiken genealogia" proposatzen duen bilduman.
Behaketa patxadatsu eta arretatsuaren aldarrikapena, Tabakaleran
"Strong back, soft front" Maite González Martínezen bideo eta collageen erakusketa Iñigo Villafranca Apesteguiak komisariotu du. Martxoaren 2ra arte egongo da ikusgai, "begiratzeko beste modu bat" proposatzen duen bilduma Donostiako zentroan.