Bideo-artea
Gorde
Kendu nire zerrendatik

Tristezia, artea sortzeko pizgarri gisa, Guggenheimen ikusgai

Ragnar Kjartansson islandiar artistak (Reykjavik, 1976) bideo-arteko lan bihurtu ditu emazteaz banandu zenean sortu ziren tristezia eta malenkonia sentimenduak.
The Visitor RAGNAR KJARTANSSON
The Visitor RAGNAR KJARTANSSON

"The Visitors" (Bisitariak, 2012) 64 minutuko lana harraldi bakarrean grabatu zuten, eta irailaren 7ra arte egongo da Guggenheim Bilbao Museoan ikusgai, Film&Video aretoan.

Bideo-instalazioa emaztearekiko harremana porroterantz zihoan une batean sortu zuen artistak, kazetariei lanaren aurkezpenean azaldu zienez. Juan Ignacio Vidarte museoko zuzendaria eta Alvaro Rodriguez Fominaya izan zituen ondoan kazetarien aurrean.

Malenkoniari aurre egiteko, melodia bat sortzea erabaki zuen. Grabazioaren 64 minutuak hartzen ditu doinu horrek: emazte ohiak idatzitako hainbat bertso dira, grabazioan hainbat aldiz errepikatzen dituztenak.

Gero, lagun musikariei deitu zien eta New Yorkera eraman zituen, 1870. urtean Hudsonen ertzean eraikitako baserri batera.

Han, doinu malenkoniatsuak grabatu zituen. Zortzi lagunak etxeko geletan banandu ziren, eta bakoitzak bere tresna jotzen zuen.

"Urduri samar geunden, behin baino ezin baikenuen grabatu, harraldi bakarrean", azaldu du Kjartanssonek.

"Kaka zaharra izango zela usten nuen, baina ez: ondo funtzionatu zuen, eta orain oso pozik nago Bilboko Guggenheimen erakutsiko delako", erantsi du.

Asteartean, hilak 3, Ragnar Kjartansson eta Alvaro Rodriguez Fominaya erakusketaren komisarioa lanari buruz mintzatuko dira, museoan bertan.

Zure interesekoa izan daiteke

18:00 - 20:00
ZUZENEAN
Duela  min.

Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai

Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.

Marie Leczinska Louis XV.aren erretratua, Bonnat Helleu Baionako museoan.
18:00 - 20:00
ZUZENEAN
Duela  min.

Marie Leczinska Frantziako erreginaren erretratu ofiziala, Baionako Bonnat Helleu museoan ikusgai

Frantziako Maria erreginaren erretratua 1748koa da. Jatorrizko bertsioa Versalleseko Jauregian dago, eta mexikar eta euskaldun jatorriko familia batek laga dio Baionako museoari. Museo zaharberritua ireki eta lehen hamar asteetan, 50.000 bisitari baino gehiago jaso dizute Bonnat Helleun; % 30 baionarrak, beste heren bat euskal herritarrak, eta, gainerakoak, kanpokoak. 

Gehiago ikusi
Publizitatea
X