Chillidaren proiektua Tindayan aurrera eramatea erabat baztertu du Fuerteventurak
Eduardo Chillidak Tindayan egin nahi zuen eskultura proiektua erabat baztertu du Fuerteventurako Kabildoak. Mendiaren ondare eta balio naturala berreskuratzearen aldeko apustua egin du gobernu berriak (PSOE, Podemos eta NC-AMF).
Andres Brianso (Podemos) Fuerteventurako Kabildoko Kultura eta Ondare Historiko kontseilariak ziurtatu duenez, uztaileko zentsura-mozioaren ondotik osatutako gobernu berriarekin "mendia behingoz babesteko eta proiektuarekin bukatzeko" ordua heldu da.
Euskal eskultorearen proiektua baztertzea beti defendatu izan du Podemosek, baina iragan legealdian Kabildoko oposizioan zegoen. Egitasmoa 1984an planteatu zuen Chillidak. Mendia zulatzeko eta tolerantziaren aldeko monumentu handi bat jartzeko asmoa zuen.
Mendia husteko eta barnean areto kubiko bat eraikitzeko asmoa zuen artistak; sarbidea tunel baten bidez eginez mendi-magalean, eta argia sartzeko bi tximinia bertikalekin.
Tindayari garrantzia ematea defendatu izan du koalizio moreak beti, labar-grabatu baliotsuak babesteko. Gizateriaren ondare izateko hautagai bezala proposatzeko ekimena aurkeztu zuen Podemosek Kanarietako Parlamentuan.
Tindaya mendia (Fuerteventura). EiTBko bideo batetik ateratako irudia.
Mendiak berez balioa duela azpimarratu du Podemosek beti. Koalizio morearen hitzetan, urteak hilik daramatzan artista baten proiektuarekin aurrera jarraitzea "zentzugabekeria" da. Zentzu horretan, gizartearen zati handi bat egitsmoaren aurka dagoela gogorarazi du, baita meatze proiektuaren berme falta ere.
Mendiari balioa emateko bide orri bat martxan jartzeko asmoa du uharteko Kabildoak, Fuerteventurako arbasoentzako (mahos) toki magiko eta sakratua zelako.
Tindayako Etxeari "buelta" ematea plantetau du Ondare Historikoko arduradunak. Eraikin zaharra menditik gertu dago. Zaharberritu ondoren, euskal eskultorearen proiektua sustatzeko erabili nahi zuten.
Kabildoko gobernu berriak, ostera, berriz zabaltzeko asmoa du, baina bisitarientzako zentro bihurtu ondoren, "mendiaren balio kultural, arkeologiko eta naturalak azpimarratzeko".
Bestalde, zonaldean parke arkeologiko bat sortu nahi du Kabildoak, eta mendia bisitatzeko bidezidor bat prestatu, talde txikiek grabatuak ikusi ahal izateko. Duela urte batzuk bisitak debekatu behar izan zituzten mendian.
Zure interesekoa izan daiteke
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Javier Ortiz de Guinea gasteiztar margolaria zendu da
Arabako paisajista eta erretratugileak 79 urte zituen, eta haren lanak, besteak beste, Arabako Arte Ederren Museoko eta Eusko Legebiltzarreko hormetan daude zintzilik.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.