Euskal konpainiek sei hautagaitza lortu dituzte Max Sarietan
Marie de Jongh, Tanttaka Teatroa eta Kukai Dantza konpainiek eta Jose Luis Raymond eszenografoak bost sari eskura ditzakete ekainaren 16an Iruñeko Gayarre Antzokian emango diren sarietan.
Euskal konpainiak txokorik txoko izango dira Max Sarien hurrengo edizioan, hiru konpainiak (Marie de Jongh, Tanttaka Teatroa eta Kukai Dantza) eta Jose Luis Raymond eszenografoak sei izendapen izango baitituzte. Ekitaldia ekainaren 16an izango da, Iruñeko Gayarre Antzokian.
Marie de Jonghen hautagaitzen artean, Haur, Gazte edo Familientzako Ikuskizun Onenaren Saria eta Jantzien Diseinu Onenaren Saria, "Mr. Bo" lanagatik. Bestalde, Tanttaka Teatroa finalista da Antzerki ikuskizun onenaren eta Emakumezko aktore onenaren (Aitziber Garmendia) kategorietan, "Del color de la leche/Esnearen kolorekoa" lanagatik. Bere aldetik, Kukai Dantzak "Euskorleans" Kale Ikuskizun Onenaren hautagaitza jaso du.
Halaber, Jose Luis Raymond eszenografoa espazio eszeniko onenaren atalean izendatuta dago, Laura Ordasekin batera "Un monstruo viene a verme" obrarako egin duen lanagatik.
Izendapen gehien jaso dituztenen artean "Casting Lear" eta "El día del Watusi" daude, launa hautagaitza eskuratuta. Gainera, sari bereziak ere eman dira jakitera: ohorezko Max saria, Juan Margallo eta Petra Martinezentzat; izaera sozialekoa edo amateurra, Ignacio Aranguren eta Vicente Galbeterentzat, Navarro Villoslada Institutuko Antzerki Eskola Tailerrean egindako lanagatik.
Albiste gehiago artea
Agustin Ibarrolaren ''Euskadi, 1977-1979'' erakusketa berreskuratu du Arte Ederren Bilboko Museoak
Agustin Ibarrolak 1979an museorako sortu zuen jatorrizko instalazioko 18 mihise zaharberrituta aurkeztuko dira. Sei gehiago batuko dituzte, eta jatorriko 27 aleko multzoa osatzeko falta diren beste hirurak galdutzat eman dituzte.
Ruth Asawa, Jasper Johns, Steve McQueen eta Dan Flavin, Guggenheimen 2026an
Bilboko museoaren fundazioko patronatuak bilera egin du bart, Miren Arzalluz zuzendari nagusi denetik egin duen lehenengoa. Museoak inoiz baino bisitari gehiago izan ditu 2025ean.
Artiumek Josu Bilbaoren eta Chantal Akermani buruzko erakusketa bana aurkeztu du
Euskal Herriko Arte Garaikidearen Museoak "h" bermeotarraren erakusketa eta "Chantal Akerman. Irudiari aurre egitea" Akermanek eta erakusketaren komisario Claire Athertonek elkarlanean sortutako instalazioak paratu ditu.
''Miñan'' liburuaren antzezlana Londresen estreinatu dute, ''Little Brother'' izenburupean
Amets Arzallusen liburuan oinarritutako antzezlana Londresko Jermyn Street Antzokian estreinatu da aste honetan, Timberlake Wertenbaker antzerkigilearen eskutik, eta ekainaren 21a arte izango da ikusgai.
Arte Ederren Bilboko Museoak ''Deikundea'' Berrugueteren koadroa zaharberritu du
"Deikundea" 1485-1490 urteen inguruan –beharbada Palentziako elizaren baterako– egindako Ama Birjinaren bizitzaren eszenekin osatutako erretaula baten parte izan zen.
Bilboko Arte Ederren Museoak eta BBKk Artearen Ibilbidea egitasmoaren seigarren edizioa aurkeztu dute
Seigarren urtez, Arte Ederren Bilboko Museoak bilduma propioko obrak kalera aterako ditu programa horren baitan. 38 obra hautatu dituzte, eta Bizkaiko 31 herritara iritsiko dira lanok, abendura arte.
Sebas Velasco: "Balkanetan, nonahi antzematen da historiaren konplexutasuna"
Sebas Velasco donostiar margolariak "The morning will change everything" bakarkako erakusketa ikusgai jarri du Sarajevon, Bosnia-Herzegovinako Historia Museoan. Berarekin hitz egin dugu.
Iñaki Olazabal Ezeiza eskultorea zendu da
Artistak 1983an ekin zion eskultura-prestakuntzari, Sorabillako tailerrean, eta zinka hartu zuen lehengai nagusitzat, hainbat forma geometriko eta biluziko eskulturak sortzeko.
Ehunka dantzarik Dantzaren Nazioarteko Eguna ospatu dute Bilbon, ohiko alfonbra gorriaren ekitaldiarekin
Bizkaiko 14 dantza eskolatako 250 ikaslek baino gehiagok hartu dute parte ekitaldian, eta askotariko diziplinak izan dira ikusgai.