Agortu egin dira bertso txapelketa nagusirako sarrera guztiak
Iñaki Murua Euskal Herriko Bertsozale Elkartearen presidenteak Euskadi Irratian jakinarazi duenez, Euskal Herriko Bertso Txapelketa Nagusirako sarrera "guztiak" agortu dira. "ez daude inon, ez tabernetan ez inon", adierazi du. "Albiste ona da berez", horren esanetan, baina "batzuek ezusteko galanta hartuko dute".
Jendeak Internetez erosteko aukera baliatu duela ere azpimarratu du Euskadi Irratian. Ez dira sarrera gehiago jarriko salgai.
Zozketa eitb.com-en
2013ko Bertsolari Txapelketa Nagusiaren finala abenduaren 15ean izango da, Barakaldoko BECen, eta eitb.com-ek bi sarrera bikoitz ditu zozkatzeko. Parte hartzeko, oso erraz: mezua bidali behar da EITB Kulturak Twitterren eta Facebooken dituen kontuetara. Dena delako mezuan 2009ko finaleko oroitzapenen bat aipatu beharko da.
Zozketan parte hartzeko epea astearte honetan, hilak 12, abiatuko da, 12:00etan hasita, eta abenduaren 1ean bukatu, 22:00etan. Parte-hartzaile guztien artean zozkatuko dira sarrerok, eta irabazleen izenak biharamunean, abenduaren 2an, astelehenean, jakinaraziko dira eitb.com-en.
Twitter bidez parte hartu nahi dutenek txioa bidali beharko dute @EITBKultura kontua aipatu eta #bertsofinala traola erabilita. Facebook nahiago dutenek, aldiz, iruzkina sartu beharko dute EITB Kultura orrialdean.
eitb.com-ek bertatik bertara jarraituko du abenduaren 15eko Bertsolari Txapelketaren finala, eta streaming bidez ikusi ahalko da.
Zure interesekoa izan daiteke
Aroa Arrizubietak irabazi du Arabako Bertsolari Txapelketako Oiongo saioa
Txapelketako lehen saioa irabazita, finalaurrekoetarako pase zuzena eskuratu du gasteizko bertsolariak. Hurrengo saioa otsailaren 15ean izango da Laudioko Kasinoan, 17:30ean.
Arabako Bertsolari Txapelketa, abiatzear
Arabako txapelketaren XVII. edizioko lehen saioa Oionen egingo dute, larunbatean. Aroa Arrizubietak, Felipe Zelaietak, Iñaki Viñasprek, Martin Abarrategik, Sabin Abarrategik eta Unai Andak kantatuko dute.
Euskarak biziraun dezan lan egin duten guztiei eskaini die azken agurra Maddi Ane Txoperenak
Bizkarsoro filmari erreferentzia egin, eta euskararen kontra aritu direnen aurrean altxatu direnak izan ditu gogoan Maddi Ane Txoperenak, Donibane Lohizuneko Jai Alain.
Maddi Ane Txoperenak irabazi du Xilaba Ipar Euskal Herriko Bertsolari Txapelketa
Maddalen Arzallusekin jokatu du azken buruz burukoa, eta, azkenean, Txoperena gailendu da finalean. 2026ko Euskal Herriko Bertsolari Txapelketan bost finalistek hartuko dute parte.
Sei bertsolari, Xilabako finalerako prest
Gaur jokatuko da Lapurdiko, Nafarroa Behereko eta Zuberoako Bertsolari Txapelketako finala, Donibane Lohizuneko Jai Alain. Maialen Hiribarrenek jarriko dio txapela bost emakumek eta gizon batek osatuko duten seikoteko bertsolari irabazleari: Miren Artetxe Sarasola, Maddi Ane Txoperena Iribarren, Irantzu Idoate Funosas, Maddalen Arzallus Antia, Aitor Servier Etxexuri eta Elixabet Etxandi Goienetxe. 17:00etatik aurrera izango da ikusgai, zuzenean, Orain.eus atarian.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Osatu da Xilaba bertsolari txapelketaren finala jokatuko duen seikotea
Larunbateko saioa irabazita, Maddi Ane Txoperenak eskuratu du finalerako txartela, Aitor Servier eta Irantzu Idoaterekin batera. Finala hilaren 31n jokatuko dute, Donibane Lohizunen.
Miren Artetxe gailendu da Xilaba Bertsolari Txapelketako lehen finalaurrekoan eta zuzenean sailkatu da finalerako
Baigorrin jokatu den final aitzinetakoan Maddalen Arzallus izan da bigarrena. Datorren larunbatean Bardozen jokatuko da Ipar Euskal Herriko Bertsolari txapelketaren bigarren final aitzinekoa.
Patxi Etxeberria bertsolaria zendu da, 95 urte zituela
Bertsolari oriotarra ia 60 urtez aritu izan da oholtzaz oholtza eta plazaz plaza bertsotan.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.