Beñat Gaztelumendi, Gipuzkoako bertsolari txapelduna
Beñat Gaztelumendi añorgarra gailendu da gaur arratsaldean, Ilunben, jokatu den Gipuzkoako Bertsolari Txapelketako finalean. Alaia Martinen aurka lehiatu behar izan du azken buruz burukoan.
Horrela geratu dira azken sailkapenak:
1- Beñat Gaztelumendi: 1012 puntu
2- Alaia Martin: 993 puntu
3- Agin Laburu: 614,5 puntu
4- Iñaki Apalategi: 603,5 puntu
5- Unai Agirre: 595,5 puntu
6- Oihana Iguaran: 594 puntu
7- Jon Maia: 586 puntu
8- Arkaitz Oiarzabal "Xamoa": 571,5 puntu
Saioa 17:00etan hasi da, Ilunben, eta, Ion Zalduak eta Saroi Jauregik gidatuta, honako lana egin behar izan dute finalistek:
-Binaka, gaia emanda, zortziko handian, hiruna bertso.
-Binaka, gaia emanda, zortziko txikian, hiruna bertso.
-Bakarka, lehen puntua emanda, zortziko txikian, hiruna bertso.
-Binaka, gaia emanda, hamarreko txikian, hiruna bertso.
-Kartzelako lana: bakarka, gaia emanda, nahi den doinu eta neurrian, hiruna bertso.
Zortzi bertsolarietako bi buruz buruko atalera pasatuko dira, eta honela jardun beharko dute:
-Binaka, gaia emanda, puntutan, zortziko txikian, zortzi bertso osatu arte.
-Binaka, gaia emanda, sei puntuko motzean, hiruna bertso.
-Kartzelako lana: bakarka, gaia emanda, nahi den doinu eta neurrian, hiruna bertso.
Inaxi Etxabe bertsolari zumaiarrak jantzi dio txapela behin betiko irabazleari.
Igandean, "Hitzetik Hortzera" berezia
Ilunbera joateko aukerarik izan ez duenak bigarren aukera bat izango du igandean, "Hitzetik Hortzera" berezia prestatu baitute finaleko bertsoaldi onenekin eta txapeldunaren hitzekin. Saioa 15:00etan emango dute, ETB1en.
Zure interesekoa izan daiteke
50 bertsolari lehiatuko dira Euskal Herriko Bertsolari Txapelketan
Lau urtean behingo lehiaketako lehenengo fasean zazpi saio izango dira, seiren ordez, bat lurralde bakoitzean. Saio guztietarako sarrerak ekainaren 17an jarriko dituzte salgai, finalerakoak ere bai.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Iñaki Viñasprek irabazi du 2026ko Arabako Bertsolari Txapelketa
Iñaki Viñaspre Simonek eta Unai Anda Delikak lortu dute puntu gehien lortzea 2026ko Arabako Bertsolari Txapelketako finalean, eta eurek kantatu dute buruz-burukoan. Azkenean, Viñasprek jantzi du txapela. Martxoak 3 elkarteko kideek jantzi diote txapela Viñaspreri.
Arabako Bertsolari Txapelketaren finala gaur arratsaldean jokatuko da eta zuzenean eskainiko du ORAIN albiste zerbitzuak
Iñaki Viñaspre, Martin Abarrategi, Unai Anda, Aroa Arrizubieta, Maddi Agirre eta Peru Abarrategi nor baino nor gehiago arituko dira Gasteizen, Europa Biltzar Jauregian. Martxoak 3 elkarteak jantziko dio txapela irabazleari.
Arabako Bertsolari Txapelketa
Iñaki Viñaspre, Martin Abarrategi, Unai Anda, Aroa Arrizubieta, Maddi Agirre eta Peru Abarrategi arituko dira nor baino nor gehiago finalean. 16:45etik aurrera, zuzenean.
Arabako sei bertsolari finalistak, larunbatera begira
Larunbatean, hilak 28, Europa Gasteizko biltzar jauregiak Arabako Bertsolari Txapelketaren finala hartuko du. Martxoak 3 Elkartearen ordezkariek jarriko diote txapela bertsolari irabazleari, Iñaki Viñaspre, Martin Abarrategi, Unai Anda, Aroa Arrizubieta, Maddi Agirre edo Peru Abarrategiri. ORAINen eta ETB1 ONen osorik ikusi ahalko da finala, 16:45etik aurrera, zuzenean.
Peru Abarrategik irabazi du Aramaioko finalaurrekoa eta erabakita geratu da nortzuk jokatuko duten Arabako Bertsolari Txapelketa
Maddi Agirre, Peru Abarrategi, Aroa Arrizubieta, Iñaki Viñaspre, Unai Anda eta Martin Abarrategi lehiatuko dira martxoaren 28ko finalean, Gasteizen.
Aroa Arrizubietak irabazi du Arabako Bertsolari Txapelketako Oiongo saioa
Txapelketako lehen saioa irabazita, finalaurrekoetarako pase zuzena eskuratu du gasteizko bertsolariak. Hurrengo saioa otsailaren 15ean izango da Laudioko Kasinoan, 17:30ean.
Arabako Bertsolari Txapelketa, abiatzear
Arabako txapelketaren XVII. edizioko lehen saioa Oionen egingo dute, larunbatean. Aroa Arrizubietak, Felipe Zelaietak, Iñaki Viñasprek, Martin Abarrategik, Sabin Abarrategik eta Unai Andak kantatuko dute.
Euskarak biziraun dezan lan egin duten guztiei eskaini die azken agurra Maddi Ane Txoperenak
Bizkarsoro filmari erreferentzia egin, eta euskararen kontra aritu direnen aurrean altxatu direnak izan ditu gogoan Maddi Ane Txoperenak, Donibane Lohizuneko Jai Alain.