Hasier Etxeberria kazetari eta idazlea hil da
Hasier Etxeberria idazle eta kazetaria hil da gaur, eritasunak jota. Elgoibartarra kazetari eta idazle gisa jardun da bere bizitzan, kulturgintzarekin harreman estuan.
Kazetari senak gidatuta, Etxeberriak kazetaritza, euskara, gastronomia, artea eta komunikazioa, bere pasioetako batzuk, uztartu ditu, besteak beste, ETBko pantailan, eta, mende berriarekin batera, “Sautrela” literatura saioa gidatzen hasi zen, joan den urtean gaixotasunak pantailatik, "Letren Errepublikako tronutik", aldendu zuen arte.
Maite Iturbe EiTBko zuzendari nagusiak adierazi duenez, "Hasier aspaldiko lankide eta adiskideak ETBri egindako ekarria eta izandako konpromismoa azpimarratu nahi ditut une mingots hauetan. Ia ETBren sorreratik egin zuen bidea gurekin, eta arrasto bikaina eta berezia utzi digu".
Idazle gisa, narrazioak (“Ipuin ezberdinak eta erregalokoak”, “Karramarroaren aztarnak”…), eleberriak (“Arrainak ura baino”, “Eulien bazka”…) eta antzerkia (“Antso erregea”) idatzi ditu, baita “Bost idazle Hasier Etxeberriarekin berbetan” liburua ere, non Bernardo Atxaga, Koldo Izagirre, Anjel Lertxundi, Ramon Saizarbitoria eta Joseba Sarrionandia luze eta zabal elkarrizketatu baitzituen.
ETBn 1983an hasi zen lanean, eta, besteak beste, "Zopa Haundi", "Arkupe", "Farenheit", "Beti Eskamak Kentzen", "Babel" , "Ez Dago Larrosarik", "Hizkamizka" eta "Euskaldunak" kultur saioetan jardun zen. 1999 urtetik "Sautrela" literatura saioaren zuzendari eta aurkezlea zen.
Azken urteetan, sare sozialetan ere aurkitu zuen adierazpidea: “Alua mundua” bloga sortu eta elikatu zuen, eta Zu Zeu euskal plataforma digitalaren sortzaileetakoa izan zen.
Zure interesekoa izan daiteke
Joxe Azurmendiri aitortza ekitaldia egin diote Durangoko Azokaren azken egunean
Jakin Fundazioko eta Gerediagako kideek aitortza omenaldia egin diote gaur Joxe Azurmendiri. Pentsalari, idazle eta euskaltzaleari eskainitako Jakin aldizkariren azken zenbakia izan du abiapuntu ekitaldiak. Horrekin batera, Azurmendiren Manifestu atzeratua errezitatu dute hainbat poetak Durangoko Azokako azken egunean.
Euskadi Literatura sariak banatu dituzte, Donostian
Irabazleen izenak iragarrita zeuden arren, gaur banatu dituzte, Donostiako San Telmo museoan, Euskadi Literatura sariak. Zazpi aitortza banatu dituzte, horrenbesteko ataletan. Euskarazko Literaturan, Unai Elorriaga saritu dute; gaztelaniazkoan, Garazi Albizua. Karmele Mitxelena, Maite Rosende, Koldo Biguri , Markos Zapiain eta Itxaso del Castillo izan dira beste arloetako sarituak.
Jon Arretxe: "Aldatzeko beharra sumatzen nuen"
Jon Arretxe idazleak Toureren istorioak alboratu, eta Txerriak eta loreak eleberri beltza argitaratu du. Durangoko Azokan izango da salgai.
Karmele Jaio: "Errealitatearen definizio intimo bat egin dut"
Gasteiztar idazleak Harrizko bihotza liburua aurkeztu du, denetariko testuak (hausnarketak, oroitzapenak, aforismoak, poemak...) Atik Zra sailkatuta biltzen dituen lana edo "taupaden alfabeto bat".
Jon Kortazarrek "Gabriel Aresti. Poesia eta gizartea" liburua idatzi du
Irakasle eta ikertzaileak Bilboko poetari eskaini dio bere lan berria (Pamiela, 2025), aurten bertan Lauaxetari buruzko beste liburu bat argitaratu eta gero.
Mikel Santiagok "La chica del lago" eleberria aurkeztu du Bilbon
Istorioa Arabako herri txiki batean girotuta dago. Gai orokorrak landu ditu idazleak, ahalik eta irakurle gehienengana iristeko. Jende asko bildu da liburua aurkezteko ekitaldian, eta, ondorioz, guztiak ezin izan dira aretora sartu.
Idazleak, Gabriel Arestiren ispiluari begira
Ostiralean, azaroak 14, Edorta Jimenezek, Sonia Gonzalezek, Tere Irastorzak, Harkaitz Canok, Iñigo Astizek eta Leire Vargasek galdera honi erantzungo diote, Euskaltzaindiaren Bilboko egoitzan: “Zer ikusten duzu Arestiren ispiluan zeure burua islatzen duzunean?”.
Bakardadea eta nortasuna hartuko ditu hizpide Literaktum letren jaialdiak
Donostiako literatura jaialdiak Juan Jose Millas, Eider Rodriguez, Javier Cercas, Laura Chivite, Arantxa Urretabizkaia, Juan Manuel de Prada, Julen Apella, Belen Gopuegui, Harkaitz Cano eta Ignacio Martinez de Pison gonbidatu ditu, besteak beste.
Anjel Lertxundi sarituko dute Irun literatura sarietan
Azaroaren 22an, Irun literatura sarien 46. edizioko banaketa ekitaldian, omenduko dute Lertxundi. Sariok Garazi Kamio Anduagak, Karlos Linazasoro Izagirrek, Mario Marínek eta Marina Casadok jasoko dituzte.
Bernardo Atxaga: "Pertsonaiarik gabe ez dago nobelarik"
Bernardo Atxaga idazleak Enarak eleberria (Pamiela argitaletxea) aurkeztu du gaur Arte Ederren Bilboko museoan.