Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.
Ane Zubeldia "Kontra" poema liburuagatik saritu dute. Argazkia: Susa.
Eider Rodriguez eta Ane Zubeldia idazleek Literatura Kritikarien Espainiako Elkartearen saria jaso dute, euskarazko ataletan. Sariotako epaimahaikideen arabera, halaber, Los ilusionistas Marcos Giralt Torrente madrildarraren liburua izan da 2025ea gaztelaniaz argitaratu zen narratibazko liburu onena.
Halaber, Pablo García Casadok jaso du gaztelaniazko poesia liburu onenaren saria; Fernando Castro Paredesek eta Lorena Soutok, galizierazkoak; eta Amadeu Fabregatek eta Sebastia Alzamorak, katalanezkoak.
Halaber, atzerriko hizkuntza bateko libururik onenaren saria El jardinero y la muerte Gueogui Gospodinov bulgariar idazlearen lanarentzat izan da. Impedimenta argitaletxeak kaleratu du gaztelaniaz, Maria Vutovak itzulia, eta Edicions del Periscopik katalanez, Marc Casalsek itzulia.
Diru ekarpenik gabeko sarien epaimahaia 21 literatura kritikarik osatu dute.
Eider Rodriguezi Dena zulo bera zen liburuak ekarri dio narratiba ataleko saria, epaimahaiaren hitzetan “sakontasun emozional ikaragarria” erakusten duen sei kontakizuneko bilduma baita.
Ane Zubeldia poetari dagokionez, Kontra liburua saritu dute, Susa argitaletxeak kaleratu duen liburua “agerpen dirdiratsua” izan baita.
Zure interesekoa izan daiteke
Literaturia, literaturaren erritmoan dardarka
Euskal Letren Plaza Zarautzen zabalduko da maiatzaren 29tik 31ra, “Dar-dar” lelopean: liburu azoka, aurkezpenak, perfomancea, mahai inguruak, ikastaroak, musika, kontzertuak…
Klasikoen XIX. Irakurketa Jarraitua
Bilbo Zaharra euskaltegiaren ekimenez, "Leturiaren egunkari ezkutua" Txillardegiren eleberria irakurriko dute aurten etenik gabe jendaurrean.
Pamielak "Lehoikumea" berrargitaratu du, 1948an Orixek euskaratuta erbesteko Jaurlaritzaren eskariz
Lehoikumea album ilustratuak Jacques Preverten testuak eta Ylla argazkilariaren irudiak biltzen ditu, eta Nikolas Ormaetxea Orixek euskaratu zuen 1948an. Erbestean zen Eusko Jaurlaritzaren eskariz euskaratu zen, aberritik kanporatutako haur euskaldunek zer irakurri izan zezaten. Ia 80 urte geroago, Pamiela argitaletxeak moldatu eta berriz argitaratu du.
Egileekin topaketak, azokak eta ibilbide literarioak protagonista, Liburuaren Egunean
Liburuaren Egunaren ospakizuna Hego Euskal Herriko plaza, liburutegi eta kultur etxeetan zentralizatuko da, publiko guztientzat pentsatutako ekimenekin.
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.