Azkenengo kontzertua eskaini du Barricadak, milaka zaleren aurrean
Barricadak Iruñeako Anaitasuna pabiloian esan zion agur eszenatokiei, atzo, adin guztietako milaka jarraitzaileren aurrean.
Urte luzez taldeko burua izan den Enrique Villarreal 'El Drogas' gabe, Javier Hernandez 'Boni', Alfredo Piedrafita, Ibon Sagarna eta Ander Izetak osatzen dute gaur egun Barricada, 1981ean Iruñean sortua. Bertan eskaini ditu taldeak bere azken hiru kontzertuak, eta atzokoarekin, ibilbide musikalari bukaera eman dio.
Hasiera batean kontzertu bakarra eskaintzea pentsatzen zuten, baina ordu gutxitan sarrera guztiak agortu zirela ikusita, hiru 'agur' egin dituzte azkenean.
"Barricada, Barricada" oihuen artean, bideo baten ostean igo zen taldea eszenatokira, kontzertuari hasiera emanez Noche de rock and roll abestiarekin. Oroitzapenez betetako emanaldia eskaini zuten, eta momentu askotan, zaleen ahotsek eurenak estaltzen zituzten.
Agurra laburra iruditu zitzaien Anaitasuna pabiloian bildu zirenei, eta Iruñeako Txantrea auzoko taldeari ez zioten alde egiten utzi nahi. Eszenatoki gainera igo eta taldekideak besarkatzeko aukera ere izan zuten.
2011n 'El Drogas' liderrak taldea utzi zuen ibilbide berri bati ekiteko. Orduan, taldeak aurrera jarraitu zuen, baina 'Boni' abeslariak Barricada utzi eta bakarkako ibilbideari ekiteko nahia agertu zuenean, taldeari agur esatea erabaki zuten.
Hiru kontzertu horiek ez dute jarraipenik izango, baina, Alfredo Piedrafita baxu-jotzaileak adierazi zuenez, ez dute baztertzen etorkizunean, momentu jakin batzuetan, berriro biltzea.
Iruñeako taldea hogeita hamar urtez erreferentea izan da estatu mailako rock munduan. Hogei diskotik gora kaleratu ditu Barricadak, eta milioi bat disko baino gehiago saltzeagatik diamantezko diskoa jaso du.
Zure interesekoa izan daiteke
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.
Pantxoa eta Peio bikoak azken bira bat egingo du agur kontzertuen aurretik
2027ko urtarrilaren 9 eta 10ean BECen azken kontzertuak egin aurretik, bikote historikoak bost kontzertu eskainiko ditu Santutxu Bilboko auzoan (maiatzaren 9an), Baluarte Iruñeko jauregian (maiatzaren 24an), Lesakan (irailaren 5ean), Bergaran (irailaren 16an) eta Lauga Baionako kiroldegian (abenduaren 11n). Sarrerak astelehenean (apirilaren 13an) jarriko dituzte salgai.
BOSek Euskaldunara eramango du Kobetamendi
Ostiralean, apirilak 10, Bilbao Orkestra Sinfonikoak Bilbao BBK Live jaialdian jo duten hainbat talde eta musikariren kantuen bertsio sinfoniko berriak interpretatuko ditu, Euskaldunan. Talde eta artista hauen abestiak prestatu dituzte: The Cure, Depeche Mode, Arcade Fire, Pulp, Radiohead, The Strokes, Florence + The Machine, Muse, R.E.M., Guns N’ Roses, Coldplay eta Rosalía, besteak beste.
Olaia Inziartek "Zerrautsa" diskoa aurkeztu du Bilbao Basque Festen
Olaia Inziarte abeslariak Zerrautsa izeneko bere bigarren diskoa aurkeztu du Bilbao Basque Fest jaialdian. “Zerrautsa” bere barrura egindako bidaia bat da, ahultasunari eta emozioei tartea eginez.
Lan Eskaintza Publikoa egingo da, Donostiako Jazzaldiaren zuzendari berria hautatzeko
Lanpostua aldi baterako betetzeko hautaketa prozesuak ez du emaitzarik eman, bi hautagaik uko egin baitiote lanpostua aldi baterako betetzeari. LEP bidez, behin betiko beteko da postua orain.