Euskal musika zabaltzeko programa hasiko da asteazken honetan Artiumen
Artiumek, Arte Garaikidearen Gasteizko museoak, 'Belarrien goxoko' programa eskainiko du asteazken honetatik aurrera. Musika emanaldiak eta solasaldiak uztartuko ditu, euskal kultura musikala sustatzeko, folkloretik hasi eta egungo estiloetaraino. Saioak 19:30ean izango dira, doan.
Lehen hitzordua asteazken honetan izango da, Xabi Aburruzaga trikitilariarekin. Euskadin akordeoi diatonikoak izan duen bilakaera ezin hobeto ezagutzen du Aburruzagak, eta Oskorri taldearen ohiko kolaboratzailea da.
Hurrengo saioetan, besteak beste, Juan Mari Beltran Euskal Herriko musika herrikoiaren ikertzailea, Keu Agirretxea Etsaiak taldeko gitarra-jotzaile ohia eta Sinkroren musika elektronikoa izango dira Artiumen.
Egitarau osoa
Xabi Aburruzaga
Urtarrilaren 15ean, asteazkena. Artiumen Emanaldi aretoan
Juan Mari Beltran
Urtarrilaren 22an, asteazkena. Artiumen Emanaldi aretoan
Gabrielen lekua
Zuzeneko musika, bertsolaritza, antzerkia, emanaldiak eta poesia batzen dituen ikuskizuna
Otsailaren 5ean, asteazkena. Ekialde-Goikoa aretoan
Sinkro. Musika, dantza eta live-electronics
Martxoaren 5ean, asteazkena. Plaza aretoan
Azaletik sustraietara
Edorta Jimenezen eta Doro Zobaranen liburuaren aurkezpena
Martxoaren 19an, asteazkena. Artiumen Emanaldi aretoan
Keu Agirretxea
Apirilaren 2an, asteazkena. Artiumen Emanaldi aretoan
Zure interesekoa izan daiteke
Bilbao All Star Blues Band, Travellin’ Brothers eta The Cherry Boppers, Bilbao Blues Festivalen
Festibalaren bosgarren edizioan Bilbao All Star Blues Band taldeak joko du, jaialdirako propio sortua eta Bob Stroger baxu-jotzaileak eta Willie Buck abeslariak osatzen dutena, besteak beste.
Gure Ahotsak zikloak Clara Peya, La Tremendita, Chica Sobresalto, Mirua eta Neomaken kontzertuak eskainiko ditu
Emanaldi errenkadak emakume musikarien kontzertuak antolatu ditu berriz Donostian, martxoaren 3tik 7ra.
ETS, Nøgen, Hofe, Danielle Nicole eta Ibibio Sound Machine, Zurriolan Jazzaldian
Donostiako 61. Jazzaldian Zurriolako hondartzan, Keler Gunean, doako kontzertuak eskainiko dituzten talde eta artisten izenak iragarri dituzte. Uztailaren 22tik 25era, zortzi kontzertu izango dira.
Bryan Adamsek BECen joko du azaroaren 13an, "Roll With The Punches 2026" biraren barruan
Sarrerak martxoaren 6an, 10:00etan, jarriko dira salgai, 43 eurotik aurrera harmailetan eta 62 eurotik aurrera pistan.
Leire Martinez kartelera batu du Bigsound Barakaldo jaialdiak
Gipuzkoar kantaria uztailaren 3an eta 4an Barakaldon egingo duten jaialdian arituko da, Myke Towers, Lola Índigo, Juan Magan, Omar Montes, Inazio eta Ben Yartekin batera.
Ruben Bladesek Gasteizko jazz jaialdian joko du
Panamar musikaria uztailaren 17an arituko da, Mendizorrotzan, 20 musikariko big band batek lagunduta.
Janus Lesterrek disko eta bira berriak iragarri ditu
2026ko abenduan aurkeztuko du musikari nafarrak disko berria, Euskalduna Jauregian (hilak 19) eta Donostiako Kursaalen (hilak 26).
Mari Puri Herrerok egin du Musika Hamabostaldiko kartela
Musika jaialdiaren 87. edizioa abuztuaren 2tik 30era egingo dute, eta bilbotar artista arduratu da horren irudia diseinatzeaz. Juan Diego Florez perutar tenorraren kontzetu batek inauguratuko du jaialdia.
132 kantari amateurrek osaturiko abesbatza, Euskadiko Orkestrarekin entseatzen
Abestu Euskadiko Orkestrarekin proiektuaren bigarren edizioa bide erdira iritsi da, eta dagoeneko egin dute herritarren abesbatza prestatzeko hamar entseguetako seigarrena. Bi hilabetez, asteazkenero, 600 hautagairen artetik zozketa bidez aukeratutako 132 abeslari ez-profesional ari dira lanean, Euskadiko Orkestrarekin batera oholtzara igotzeko.
Bilbao Blues Festival jaialdiak Travellin’ Brothers sarituko du bosgarren edizioan
Jaialdiak doako hamar kontzertu eskainiko ditu uztailaren 24 eta 26an, Areatza inguruan. Leioaztar taldeak jaialdiaren ohorezko txapela jasoko du.