Robert Plant and The Sensational Space Shifters Bilbon uztailaren 24an
Rock-and-rollaren historiako inoizko abeslaririk onena da Robert Plant, eta gauza berri gutxi daude haren gainean esateko. Led Zeppelin mitikoen buruan, 300 milioi disko baino gehiago saldu ditu mundu osoan. Plant bidegilea izan zen, gerora haren estiloari jarraitu zioten abeslari andanarentzat: Steven Tyler (Aerosmith), Freddie Mercury (Queen), Paul Stanley (Kiss), Axl Rose (Guns n' Roses)...
Uztailean The Sensational Space Shifters izango du lagun agertokian, eta, haiekin batera, show berritzailea eskainiko du. Psikodelia, African trance, Mississippiko bluesa, Led Zeppelinen klasikoak XXI. mendeko erritmo dantzagarrien iragazkitik pasatuta... Denetarik egongo da emanaldian, antolatzaileen arabera.
Robert Plantek (West Bromwich, Ingalaterra, 1948) 1980an ekin zion bakarkako ibilbideari, John Bonham Led Zeppelineko bateria hil eta taldearekikoak burututa. Harrezkero, hamabost bat lan kaleratu ditu, oso muga lausoetan mugituta: countrya, rythm & bluesa, popa, hard rocka eta heavy metala...
The Sensational Space Shiftersen buruan, Juldeh Camara maisu afrikarra dago, Afrika mendebaldeko erreferente garbia, musikaz haraindi ere. Skin Tyson eta Justin Adams dira gitarristak, eta Billy Fullerrek eta Dave Smithek dute erritmoa jartzeko ardura, baxuan eta baterian hurrenez hurren. Gainera, John Baggot Bristoleko trip hoparen izarrak ukitu elektronikoak gehitzen dizkio oinarri musikalari.
The North Mississippi Allstars, talde gonbidatua
Robert Plant eta The Sensational Space Shifters taldearen aurretik, The North Mississippi Allstars bikoak joko du. AEBetako hegoaldeko rocka eta bluesa jotzen dute Dickinson anaiek, Luther gitarrista eta abeslariak (Black Crowesekin aritzen da gitarrista gisa) eta Cody teklatu eta bateria-jotzaileak. Dickinsondarren Jim aitaren ondareari begiratu, eta gaurkotu egin zuten. Memphiseko soinuaren erakusle garbia izan zen Jim, eta ekoizpen lanetan ere nabarmendu zen: Ry Cooder, Bob Dylan, The Rolling Stones, Primal Scream...
Robert Plant And The Sensational Space Shifters eta The North Mississippi Allstars uztailaren 24an izango dira Bilbon, Guggenheim Bilbao Museoaren zabalgunean, Estatuan Cartagena, Malaga eta Madrilera eramango dituzten bira batean.
Sarreren prezioa 45 (+ banaketa gastuak, aurretiaz erosita) eta 50 (leihatilan) eurokoa da, eta Ticketmaster sarean, Last Tour Internationalen webgunean, 902 15 00 25 telefono zenbakian, FNACen, Carrefourren eta Halcon Bidaiaken bulegoetan erosi ahalko dira, otsailaren 5etik aurrera.
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.