Musika Hamabostaldia
Gorde
Kendu nire zerrendatik

‘Don Giovanni’ Mozarten lana Hamabostaldira bueltan, larunbatean

Donostiar jaialdian azkenengoz taularatu zenetik 27 urte pasatu direla, Kursaalera itzuliko da larunbatean, kontzertu dramatizatuko bertsioan.
Christopher Maltmanek egingo du pertsonaia nagusiarena

Donostiako Musika Hamabostaldiak “Don Giovanni” Mozarten lana berreskuratuko du larunbat honetan, 77. edizioan, azkenekoz jaialdian egon zenetik 27 urte pasatu direnean. Pertsonaia nagusiarena Christopher Maltman ingeles baritonoak egingo du, eta Irina Lungu eta Nicole Cabell sopranoek ere hartuko dute parte.

Donostiako jaialditik gogora ekarri dutenez, “Don Giovanni” Wolfgang Amadeus Mozarten lana 1787an estreinatu zuten, Pragan. Operak Don Juanen abenturak kontatzen ditu, eta 1989an eman zuten azkenekoz Hamabostaldian, jaialdiaren 50. edizioan.

Larunbatean helduko da berriro “Don Giovanni” Gipuzkoako hiriburura, 19:00etan, Kursaalera. Kontzertu dramatizatuko bertsioan eskainiko dute Euskadiko Orkestra Sinfonikoak eta Easo Abesbatzak, Manuel Hernandez Silva maisuak gidatuta.

Proposamena hainbat elementu dramatikoz janzteko arduraduna Salva Blota aktore eta eszenografo valentziarra izango da. Ahotsei dagokienez, paper nagusia Christopher Maltman ingeles baritonoak jokatuko du.

Horrez gain, beste hauek hartuko dute parte emanaldian: Nicole Cabell (Donna Elvira), Irina Lungu (Donna Anna), Daniel Giulianini (Il Comendatore), Jose Fardilha (Leporello), Toby Spence (Don Ottavio), Miren Urbieta (Zerlina) eta Jose Manuel Díaz (Masetto).

Albiste gehiago musika

Mixel Ducau eta Anje Duhalde
18:00 - 20:00
ZUZENEAN
Duela  min.

EHZ jaialdiak ozen zabalduko du herriaren erritmoa

Iaz Arberatzeko kokagune berria estreinatu eta gero, Euskal Herria Zuzenean jaialdiak hiru eguneko egitarau oparoa dakar “Lurraren herritmoa” lelopean: Fermin Muguruza, Bengo, Zetkin, Naxker, Errobi, Olaia Inziarte, Tapia eta Leturia…

Bulego taldea
18:00 - 20:00
ZUZENEAN
Duela  min.

Bulego taldeak ez du Sonorica jaialdian joko

Castro Urdialeseko jaialdian jotzekoa zen taldea, uztailaren 18an, baina atzera egitea erabaki du Superstructi, KKR inbertsio funtsa atzean duen taldeari, baitagokio musika topagune hori.

Gehiago kargatu