Chester Bennington, belaunaldi oso baten ahotsa
Chester Bennington, Linkin Park talde estatubatuarraren abeslaria, hil da ostegun honetan, antza denez, bere buruaz beste eginda. Belaunaldi oso batek bere egin zuen ahotsa izan da, eta nu-metal estiloaren ikur nagusietako bat.
Horren ahotsa egungo musikariek gehien imitatu dutenetako bat ere bada, baina inork ez du horren estilo paregabea berdindu.
“Hitzez hitz esanda, inoiz zuzenean ikusi dudan talentu harrigarriena izan da”, esan zuen behin Rihanna artistak horri buruz.
Linkin Park azken hamarkadetako rock talde estatubatuar ospetsuenetakoa da.
Hybrid Theory diskoa 2000. urteko urriaren 24an publikatu zuten, eta 10 milioi ale baino gehiago saldu zituen. Horren ostean, disko hauek merkaturatu zituen: Meteora (2003), Minutes to Midnight (2007), A Thousand Suns (2010), Living Things (2012), The Hunting Party (2014) eta One More Light (2017).
Linkin Parkek 70 milioi disko baino gehiago saldu ditu mundu osoan, eta bi Grammy sari ditu.
MTV telebista-katearen sorrera lagun izan zuen. “Bideo bat bertan publikatzen baduzu, bermatuta duzu zure musika ezagun egitea”, adierazi zuen Brad Delson gitarra-jotzaileak 2015ean.
Dena dela, Youtuben ere errege izan dira, horren bideoek 1.000 milioi erreprodukzio baino gehiago lortu baitituzte.
Linkin Park nu-metal izeneko estiloaren ikur nagusia da, Korn, Slipknot eta Limp Bizkit taldeekin batera.
Benningtonek beste talde bat sortu zuen, Dead by Sunrise, eta Stone Temple Pilots taldearekin ere kolaboratu zuen 2013 eta 2015 artean, abeslari gisa.
Zineman ere, paper txikiak interpretatu ditu, Crank, Crank: High Voltage eta Saw 3D: The Final Chapter filmetan.
Bennington bi aldiz ezkondu zen, eta sei seme-alaba zituen. Alkoholarekin eta drogekin hainbat arazo izan ditu, eta behin aitortu egin zuen bere buruaz beste egitea pentsatu zuela, umetan sexu-abusuak egin zizkiotelako.
Benningtonek harreman estua zuen Chris Cornell zenarekin. Soundgarden taldeko abeslaria ere urkatuta agertu zen, maiatzean.
Gaur, hain justu, Cornellek 53 urte beteko zituen, Chesterrek gutun ireki bat idatzi zion bere buruaz beste egin zuen egunean.
“Beatlesekin egin dut amets bart. ‘Rocky Racoon’ abestia buruan nuela esnatu naiz, eta emazteak kezkatuta begiratu nau. Laguna hil egin zaidala esan dit. Hainbat oroimen etorri zaizkit burura. Negar-zotinka ari naiz oraindik, baina eskertu egiten ditut zurekin eta zure sendi harrigarriarekin pasatu ditudan uneak”, idatzi zion.
Albiste gehiago musika
Beste kontzertu bat emango du La Oreja de Van Gogh taldeak BECen
Donostiako taldeak 2026ko birako sarrerak agortzen eta data eta leku berriak iragartzen jarraitzen du. Abenduan BECera itzuliko dira.
Gorka Urbizuk “Bakan II” lan laburra kaleratu du
Nafar musikariak Abbey Road estudio mitikoetan grabatutako bi kantu bildu ditu bere disko berrian: “Diamantea” eta “Zilarra”.
Gorka Urbizu, EP berriarekin "urduri, liberatuta eta emozionatuta"
Gorka Urbizu musikariak bi kantuko EP bat kaleratu du gaur, "Bakan II". "Diamantea" eta "Zilarra" abestiak Abbey Road Londresko estudio mitikoetan grabatu ditu. Maite Eskarmendi Egun On saioko kazetariak elkarrizketa egin dio Urbizuri, aurkezpen ekitaldiaren aurretik.
?fmt=webp-alpha&qlt=80)
Latzen: "Memento mori"
Oñatiar taldea bueltan da! 1998an atera zuen "Ardi larruz" estudioko beren aurreko diskoa, duela 27 urte, eta orain "Memento mori" aurkeztu dute, "Denboraren orbainak" disko berria izango denaren lehen aurrerapena. Laukoteak Zorrotzan eta Hatortxu Rocken eman zituen etapa berri honetako lehen kontzertuak, eta, disko berria besapean, emanaldi gehiago egongo direla aurreratu dute.
Saldu egin dituzte La Oreja de Van Goghen kontzertuetarako sarrera guztiak, eta iragarri dute Barakaldon, Donostian eta Iruñean emanaldi gehiago egingo dituztela
Donostiako taldeak iragarri du hiru kontzertu gehiago egingo dituztela Euskal Herrian: maiatzaren 10ean, Barakaldon (BEC); abuztuaren 1ean, Donostian (Illunbe); eta azaroaren 21ean, Iruñean (Nafarroa Arena).
“La forza del destino” Verdiren operarekin irekiko du denboraldia ABAOk
Lau funtzio egingo dituzte, urriaren 25ean, hasita. Espainiako Gerra Zibilean girotu dute Giuseppe Verdiren drama erromantikoa.
La Oreja de Van Goghen birako sarreren salmentaren hasiera atzeratu dute
Amazon Web Services zerbitzarien akats masibo batek zerbitzutik kanpo utzi ditu milaka webgune mundu osoan, eta taldeak 16:00etara arte atzeratu du salmenta abiatzeko ordua, eguerdirako aurreikusita bazegoen ere.
La Oreja de Van Gogh taldeak maiatzaren 9an ekingo dio itzulerako birari, BECen
Donostiako taldea uztailaren 31n arituko da Gipuzkoako hiriburuan, Illunben, eta azaroaren 20an, berriz, Iruñean. Sarrerak astelehenean jarriko dira salgai, urriaren 20an.
La Oreja de Van Gogh taldeak zurrumurruak zokoratu ditu: Amaia Montero itzuli egingo da
Taldeak ofizialki baieztatu du Amaia Montero itzuli egingo dela, Leire Martinez irten eta urtebetera. Gainera, jakinarazi dute Pablo Benegasek taldea utziko duela, oraingoz.
La Oreja bueltan da... Amaiarekin?
Urtebete sare sozialetan argitalpenik gabe egon ostean, talde donostiarrak irudi zuri bat argitaratu du, eta Instagrameko profilaren biografian esaldi hau irakur daiteke: "Elkarrekin bakarrik du zentzua". Gainera, duela urtebete Leire Martinezen martxa iragartzeko argitaratutako komunikatua ezabatu dute.