Hamar musikaritik zortzi gizonak izan ziren EAEko iazko kontzertuetan
Euskal Autonomia Erkidegoko musikan, nola zuzenekoetan hala diskogintzan, gizonak dira nagusi argi eta garbi, Kulturaren Euskal Behatokiak egindako azterlan batek argiro erakutsi duenez.
Behatokiak 2022ko urtarrilaren 1etik abenduaren 31ra bitartean EAEn izandako musika ekitaldiak (385 ekitalditan izandako 486 emanaldiko lagina) eta urte horretan EAEko musika formazioek argitaratutako diskoak (122 diskoko lagina) aztertu ditu, Kulturklik agenda eta datu basea baliatuta, berorietan gizon-emakumeek izandako parte-hartzea neurtzeko.
Datuak esanguratsuak dira oso. Zuzenekoetatik hasita, 2022an Euskal Autonomia Erkidegoan izandako kontzertuetan (jaialdiak kanpoan utzi dituzte, ezaugarri bereziak dituztelako) agertokira igo ziren pertsonen % 81,4 gizonak eta % 18,6 emakumeak dira.
10 musika taldetik sei gizonez soilik zegoen osatuta, eta bakarra zen emakumez bakarrik osatutakoa; talde mistoetan ere, gainera, emakumeak gutxiengo ziren (% 31).
Musika grabatua
Euskarrian grabatutako musikari dagokionez, iaz EAEn argitaratutako diskoei begira, nagusitasun are handiagoa dute gizonek; berorietan jo zuten interpreteen % 89,1 gizonak dira, eta % 10,9 emakumeak.
Taldeen osaerari begiratuta, hirutik lau gizonek soilik osatzen dituzte, % 6 emakumeek bakarrik eta % 17,8 mistoak dira. Misto diren horien artean, azkenik, taldekideen % 30,4 dira emakumeak.
Hizkuntza
Genero arrakala aztertu du ikerlanak nagusiki, baina hizkuntzari buruzko jakingarri batzuk ere atera ahal dira testutik. Euskara izan zen EAEn 2022an egindako kontzertuetan gehien entzun zen hizkuntza, gaztelaniaren aurretik. Deigarria da emakumez bakarrik osatutako formazioek apur bat gehiago erabiltzen dutela euskara, batez beste.
Diskoei dagokienez, emakumez soilik osatutako formazioek argitaratutako 4 diskotik 3 euskaraz dira, eta gizonez bakarrik osatutako formazioen kasuan hizkuntza aniztasuna apur bat handiagoa da: % 43 euskaraz, % 18 gaztelaniaz...
Zure interesekoa izan daiteke
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Etzakit 23 urte geroago itzuliko da agertokietara, urtarrilean hiru kontzertu berezirekin
Bi hamarkada baino gehiagoko isilunearen ostean, agertokietara itzuliko da talde hernaniarra. Triki pop talde mitikoak hiru kontzertu eskainiko ditu urtarrilaren 2an, 3an eta 5ean, hasi eta agurtu zen lekuan bere historiari berriro helduz, Oialumen, belaunaldi oso batentzat nostalgiaz eta emozioz beteriko hitzorduan.
Kontzertu magikoa eskaini du bart Mikel Urdangarinek, ohi bezala, Gabonetan
20 urtetik gora daramatza Mikel Urdangarinek urteko azken asteburuan emanaldi berezia eskaintzen. Sarrera guztiak agortuta, Euskal Herriko txoko askotatik erakarri du publikoa. Aurpegi berriak eta aspaldikoak bildu ditu Bilboko Kafe Antzokian.
Milaka lagunek gozatu dute Atarrabiako Aske jaialdian, "herri honen askatasuna" aldarrikatzeko
Hainbat talde eta artista elkartu dira bertan, Neomak, Merina Gris, Gozategi eta Janus Lester tartean. Antolatzaileek "herri honen askatasuna" aldarrikatu dute, "Euskal Herri aske baten soinu-banda sortzeko: euskalduna, feminista, antikapitalista eta solidarioa, besteak beste".
Perry Bamonte hil da, The Cure talde britainiarreko gitarrista, 65 urte zituela
Londresen jaio zen, 1960an, eta 19 urte zituela hasi zuen bere musika-ibilbidea baxu-jotzaile gisa. "Lasaia, bizia, intuitiboa, etengabea eta izugarri sortzailea", ingurukoen arabera, Bamonte The Cure taldeko funtsezko kidea izan zen 1990etik.
Mikel Erentxunen bira Donostiara iritsi da
2025 urte osoan zehar 50 bat kontzertu eman ondoren, Kursaal jauregian izan da Mikel Erentxun, Duncan Dhu taldearen lehen diskoaren 40. urteurrena ospatzeko egindako biraren barnean. Kontzertu horietan famatu egin zuen taldearen abesti ezagunenak eskaintzen ditu, baita inoiz kontzertu batean jo ez zituzten kantu batzuk ere.
Bizardunak eta Rita Payes, Santaspascuas jaialdia hasteko
Gaboneroko Iruñeko musika jaialdiaren programazioa Bizardunak taldeak abiatuko du ostegunean Zentralen, eta kataluniar tronboi-jotzaile, abeslari eta konpositorea igandean arituko da, Baluarten.
Jeff Tweedy, Anastacia eta Steven Isserlis txelista, Kursaalen 2026an
Jeff Tweedy Wilcoko buruaren bakarkako emanaldia da Kursaal Eszenaren datorren urteko programazioaren hitzordu nagusietakoa; horrez gain, Yuha Wang, Anastacia abeslaria, Ryan Adams, Rodrigo Cuevas eta Euskal Herriko Orkestra Barrokoa ere arituko dira Donostiako espazioan.
Etzakitek kanta berria kaleratu du bere itzulera iragartzeko: “Hanka-punttetan”
“Hanka-punttetan” abestia kaleratu du Etzakit Hernaniko triki-pop taldeak. Horretan, taldeak lagun izan ditu Alaitz eta Maider, Maixa eta Itziar, Kristina eta Amaia, eta Gozategiko kideak. Etzakit taldea urtarrilaren 3an eta 5ean itzuliko da agertokira, Hernaniko Oialume dantzalekuan.
BECeko azken kontzerturako sarrera guztiak salduta, Pantxoa eta Peio beste aukera batzuk aztertzen ari dira
Bikote musikalak bere historiako azken emanaldia emango du 2027ko urtarrilaren 10ean, eta ordu gutxian agortu dira sarrerak, salgai jarritako egun berean.