Su Ta Gar, Süne, Pelax eta Janus Lester batu ditu EHZk kartelera
EHZ Euskal Herria Zuzenean jaialdiak talde eta bakarlari gehiago batu ditu bere aurtengo edizioaren kartelera. Su Ta Gar, Süne, Auhen, Pelax, Old School Funky Family, Rüdiger, Janus Lester eta Octopussy agertoki gainean izango dira ekainaren 28, 29 eta 30ean, lehen aldiz Arberatze herrian egingo duten festibalean.
Lehendik iragarrita zeuden talde eta bakarlariei batuko zaizkie horiek: Belako, Nakar, Benizze, Lysistrata, Vincen Garcia baxu-jotzailea eta Eesah Yasuke.
Urtero bezala, gainera, hainbat ikusgarriz gozatu ahalko da Arberatzeko plazan, urririk, besteak beste Euskabaret eta Zenzero e Cannella Cie ZeC dantza taldearen ikuskizuna.
Maiatzaren 6an iragarriko dute antolatzaileek kultura programazio osoa, mintzaldi eta mahai-inguruen egitaraua barne. Halaber, maiatzean bertan jarriko da nahi duen ororen eskura laguntzaile izateko formularioa.
Arrosan, Idauze-Mendin, Heletan, Lekornen eta, azken urteetan, Irisarrin ospatu eta gero, aurten Arberatzen izango da lehenengoz Euskal Herria Zuzenean.
Gaurtik aurrera, hiru eguneko bonuak 51,50 euroan daude salgai ehz.eus webgunean, maiatzaren 5a arte (60 euroko prezioa izango dute hortik aurrera). Egunez eguneko txartelak maiatzaren 6tik aurrera jarriko dituzte salgai, egitarau osoa iragarritakoan.
Albiste gehiago musika
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal herri musika eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak Mitoaroa III ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.
'Mitoaroa III' ikuskizuna San Mames futbol-zelaira iritsiko da 2026ko ekainaren 20an
Zetak taldeak Bilbo aukeratu du bere ikuskizun arrakastatsuaren hirugarren zatirako, Bizkaia euskal kulturaren erdigunean kokatuz.