Oscar usaina zinemetan, 'Wild' eta 'Nightcrawler' filmen eskutik
Reese Witherspoon otsailaren 22an, Oscarrak banatzeko galan, emakumezko aktorerik onena izateko lehian egongo den antzezleak 1600 kilometroko bakarkako bidaia bat ekingo dio Mojave basamortuan zehar, “Wild” filmean. Bere buruarekin berradiskidetu nahi du, hainbat gertakizun tragikotan nahasita egon eta gero.
Laura Dern ere dago izendatuta Hollywoodeko Akademiaren sarietan, film honetan egindako lanagatik, antzeztaldeko emakumezko aktorerik onenaren sailean. Jean Marca Valleek zuzendu du filma, “Dallas Buyers Club” zuzendu zuen berberak.
"Nightcrawler"en, Lou Bloom (Jake Gyllenhaal) gazteak negozio biribila aurkituko du: Los Angelesen jazotzen diren gertakari ilunen irudiak telebista kateei salduko dizkie. Jatorrizko gidoi onenaren estatuatxoa irabazteko lehian dago lan hau.
"Annie" 1977an estreinatu zen, Broadwayn, eta zinemarako 1982an egokitu zuten lehenengoz, nork eta John Hustonek. Hiru hamarkada geroago, neskato umezurtzaren abenturak pantaila handira itzuliko dira, Will Gluckek zuzendu eta Jay-Zk eta Will Smithek ekoitzita. Annie umezurztegi batean hazi da, Hanningan andereñoaren (Cameron Diaz) herrari aurre eginez, harik eta egun batean Oliver Warbucks aberatsak adoptatzen duen arte.
Michael Mann akziozko lanen zuzendaria (“Heat”, “Collateral”…) nazioarte mailako ziberterrorismoaren inguruko istorio batekin itzuli da: “Blackhat”, Chris Hemsworth protagonista duena.
“Las ovejas no pierden el tren” landa giroan kokatutako filmak Inma Cuesta eta Raul Arevalo ditu protagonista. Hiritik kanpo joan beharko dute, eta bertan bizitzearen ondoriorik txarrenak pairatu beharko dituzte.
Asteburu honetan, “Captain Harlock” ere helduko da, Leiji Matsumotok sortutako pertsonaia protagonista duen filma. Gainera, Michael Bayren (“Transformers”, “Armageddon”…) eskutik, “Porject Almanac” dator, gazteentzat idatziriko lana: lagun talde batek denbora zehar bidaiatzeko makina bat eraikiko du, iraganera itzuli eta orduan egindako akatsak konpontzeko.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.