Stephen Colbertek "Eraztunen jauna" sagako film berria idatziko du, lehen liburuan oinarrituta

J. R. R. Tolkienen jarraitzaileak The Hunt of Gollum filmaren estreinaldiaren zain dauden bitartean (2027ko abenduaren 17rako aurreikusita dago), proiektu berri bat gehitu zaio idazle hegoafrikarraren obran inspiratutako pelikulen egutegiari.

Deadlinek jakinarazi duenez, Stephen Colbert aktore, gidoilari eta aurkezleak sagan girotutako film bat idatziko du. Filmak The Lord of the Rings: Shadow of the Past  ("Eraztunen jauna: Iraganaren itzala") behin-behineko izenburua izango du, eta Peter McGee semeak eta Philippa Boyensek ere parte hartuko dute.

Film berria obraren lehen kapituluetan oinarrituko da, 2001eko egokitzapenean sartu ez zirenetan, hain zuzen ere.

Stephen Colbertek adierazi duenez, film berrian Frodo Zorrozabal eta bere lagunak azaltzen dira, Tom Bombadil (ez da Jacksonen pelikuletan agertzen) ezagutu ondoren. Han, izaki gaizto baten kari, harrapatuta geratzen dira, Bombadil pertsonaia misteriotsuak erreskatatu arte.

Sinopsi ofizialak ikuspegi anbiziotsuago bat erakusten du: istorioa Frodok alde egin eta hamalau urtera gertatzen da, Sam, Merry eta Pippin abenturaren lehen urratsak berpizteko bidaia egiten ari direnean. Aldi berean, Elanorrek, Samen alabak, ezkutuko sekretu bat argitzen du, Eraztunaren Gerrari buruzko pertzepzioa alda dezakeena.