Nouvelles Vagues jaialdiak izarren dirdira piztuko du Biarritzen
Sei egunez, ekainaren 23tik 28ra, Nouvelles Vagues Biarrizko Udalak eta Chanel moda etxeak Lapurdiko udalerrian antolatzen duten zinema jaialdiak 30 zinema emanaldi baino gehiago eskainiko ditu, Gare du Midi aretoan, Royal Cineman, Kasinoan eta pantaila berezietan, hala kalean nola itsas hegian.
Gazteei bereziki begiratzen dion programazioan, aurretik Frantziako Estatuan estreinatu gabeko zortzi film luze lehiatuko dira Sail Ofizialean, tartean Les fraises Laïla Marrakchi marokoar zinemagilearen pelikula, Itsaso Arana nafar aktorearen parte-hartzea duena.
Kristen Stewart estatubatuar aktore eta zuzendaria buru duen epaimahai batek ebatziko du zortzi film horietako zeinek merezi dituzten jaialdiko sari nagusia, epaimahairen saria eta interpretazio onenarena. Stewartek, gainera, The chronology of water, zuzendu zuen lehen film luzea, aurkeztuko du Biarrizko jaialdian, lehiaz kanpo, jakina.
Lehiaz kanpo ikusiko dira, halaber, La bola negra Los Javisi Canneseko jaialdiaren zuzendari onenaren saria ekarri zion filma, Coward Emmanuel Macchia eta Valentin Campagne aktoreei Cannesko interpretazio saria eman zien filma (bi aktoreok Biarritzen izango dira), Matthias et Maxim (Xavier Dolan zuzendariak berak aurkeztuko du), Maria Callas: lettres et mémories (Monica Bellucci aktoreak aurkeztuko du), Rize (Marion Cotillard aktoreak aukeratua eta aurkeztua) eta La dernière séance (Isabelle Huppertek aukeratu eta aurkeztua).
Halaber, saio berezietan, Aro berria Irati Gorostidiren lehen film luzea ikusi ahalko da, baita Femmes dans l’action en Euskadi Daniel Wronecki frantsesak zuzendu zuen 1983ko dokumentala, gatazkari eta indarkeriari emakumeen ikuspegitik begiratzen dien filma.
Zure interesekoa izan daiteke
Ione Hernandezen "Hermanas" filma Torontoko zinema jaialdian estreinatuko da
Pelikulak EITBren babesa du, eta Bizkaiko eta Madrilgo hainbat tokitan filmatu dute. Elena Anaya eta Emma Suarez aktoreak dira protagonistak.
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.