Ione Hernandezen ‘Hermanas’ filma Torontoko zinema jaialdian estreinatuko da
Pelikulak EITBren babesa du, eta Bizkaiko eta Madrilgo hainbat tokitan filmatu dute. Elena Anaya eta Emma Suarez aktoreak dira protagonistak.
'Hermanas' filmaren fotograma
Hermanas Ione Hernandez zuzendariaren (Donostia, 1970) fikziozko lehen film luzeak Torontoko Nazioarteko Zinemaldian izango du mundu mailako estreinaldia. Filmak EITBren babesa izan du, eta Bizkaiko eta Madrilgo hainbat tokitan grabatu dute.
Elena Anaya eta Emma Suarez aktoreak dira filmaren protagonistak. Chelo eta Marta izeneko bi ahizpa gorpuzte dituzte. Haien bizitza eta harremana betiko aldatuko da ustegabeko gertaera baten ondorioz eta erabaki beharko dute noraino iristeko prest dauden gehien maite dituztenak babesteko.
Carlota Keiko, Leon Martinez, Josean Bengoetxea, Aritz Kortabarria eta Nora Otxoteko aktoreak ere ikusiko ditugu film luze honetan.
Torontoko Nazioarteko Zinemaldiak 51. edizioa ospatuko du irailaren 10etik 20ra. Ione Hernandezen opera prima zinemagile hasiberriei zuzendutako Discovery atalean hautatu dute. Hermanas filmarekin batera, sail honek beste 23 pelikula proiektatuko ditu. Kanadan estreinatu ostean, udazkenean iritsiko da filma gure zinemetara.
Ione Hernandez zuzendari eta gidoilariaren fikziozko lehen film luzea da honako hau. Donostiarrak prestakuntza zabala du ikus-entzunezkoen munduan. Zinemagile gisa, nazioarteko ibilbidea duten hainbat film labur eta dokumental zuzendu eta idatzi ditu. Laburrak Kimuak eta Madrid en corto programetan aukeratuak izan dira eta 1 % Esquizofrenia film luze dokumentala zinema-aretoetan estreinatu zen.
Hermanas filmaren grabazioa 2025eko udazkenean hasi zen, Ventana CineMad 2021ko lehen saria irabazi eta MAFFetan hautatua izan ondoren.
Zure interesekoa izan daiteke
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.