Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
Ostegunean, "The Old Oak" Ken Loachek zuzendu eta Lavertyk idatzitako filma proiektatuko da
Martxoak 3 Elkarteak antolatuta, Langilearen Inguruko Zinema Astea apirilaren 13tik 16ra egingo da Gasteizen, Arkabia aretoan, Giza Eskubideen Donostiako Zinemaldiak eta LAN Langilearen Inguruko Bilboko Zinema Jaialdiak lagunduta.
Jaialdiaren itxiera galan, Paul Laverty eskoziar gidoilariak saria jasoko du, “zineman langile klasearen alde egindako ibilbideagatik”. Laverty, Ken Loachen film gehienen gidoilari eta Iciar Bollainen lankidea, solasaldi batean ere arituko da, saria jaso aurretik, eta The Old Oak film ezagunaren emanaldiak burutuko du jardunaldia.
Jaialdiaren lau egunetan, publikoak langileen inguruko hainbat film ikusi ahalko ditu doan (gonbidapena aurretiaz hartuta), nola nazioarte mailakoak hala bertokoak, eta Estibaliz Urresola eta Irati Gorostidi zinemagileek ere hartuko dute hitza Gasteizko zinema jaialdian.
Apirilaren 13an hasiko da astea: Made in EU (Stephan Komandarev, 2025) pelikula proiektatuko dute, eta Europako Batasuneko periferietan emakume langileek pairatzen duten esplotazioari buruzko solasaldia egingo dute jarraian; asteartean, apririlak 14, Disonancia (Raquel Larrosa) eta Room Without A View (Roser Corella) dokumentalak ikusiko dira.
Asteazkenean, apirilak 15, bi saio egingo dituzte Arkabian. Lehenengoan, Irati Gorostidik Contadores aurkeztuko du, eta Estibaliz Urresolak beste hainbeste egingo du Cuerdas filmarekin. Bigarren saioan, Inor Ez ikusiko da, Martxoak 3 Elkarteak saraskiaren 50. urteurrenaren harira ekoitzi duen fikziozko film laburra. Horren ondoren, La batalla de Euskalduna LAN jaialdiak zaharberritutako pelikula (Iñaki Cortazar, Iñaki Markiegi, 1985) izango da ikusgai.
Ostegunean, apirilak 16, Bertha Gaztelumendi kazetari eta zinemagileak Paul Lavertyrekin hitz egingo du jendaurrean, Martxoak 3 Elkarteak saria emango dio Paul Lavertyri eta, azkenik, The Old Oak Ken Loachen filma proiektatuko dute.
Zure interesekoa izan daiteke
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.