Ezagutu Oscarretan filmik onenaren atalean izendatutako pelikulak
"Boyhood"
Richard Linklaterrek 12 urtean 39 egunez filmatutako bizi epopeiak epaimahaien babesa jaso du Bafta sarietan eta Urrezko Globoetan. Masonen istorioa eta, zeharka, denboraren joanarena, bizitzarena, da pelikula: haurtzarotik nerabezarorako jauzia, “heldutasuna”, harremank, etsipena, itxaropena, ikasketa etengabea… “Before…” trilogiaren zuzendariaren zinema-saiakerak gure gorabeheren inguruko bidaia liriko eta epikoa proposatzen du.
"Birdman"
Alejandro Gonzalez Iñarrituren bosgarren film luzeak begietara begiratzen dio zinemaren industriari Hollywoodetik bertatik. Superheroi batena egin eta gero ospe handia bereganatu zuen aktore bat antzerkigintzan murgilduko da prestigioaren bila, Broadwayn Raymond Carver idazle natural eta garratzaren lan bat moldatzen. Gidoi bete-betea da, esaldi biribilez betetakoa, eta, teknikoki, plano-sekuentzia bakarrean filmatua; Michael Keatonen, Edward Nortonen eta beste aktore sorta dotore baten lan bikaina alde dauka istorioak.
"The grand Budapest hotel"
“The grand Budapest hotel” Wes Andersonen mundu bitxiaren erakusleiho erraldoia da, eta, haren ukitu nabaria duen pelikula egiteko, aktore zerrenda paregabea bildu du zinemagile texsastarrak: Ralph Fiennes, Edward Norton, Saoirse Ronan, Willem Dafoe, Bill Murray… Hotel bateko atezain bitxi baten eta babespean hartzen duen lankide gaztearen ingurukoak kontatzen ditu, erritmo bizian.
"American sniper"
Clint Eastwoodek (84 urte) zuzendari gisa sinatu duen azken filmak hautsak harrotu ditu, onerako eta txarrerako. Chris Kyle frankotiratzailearen autobiografian oinarritutako lanak marine honek Iraken egindakoak kontatzen ditu: beste edozein soldaduk baino arerio gehiago hil zituen Kylek, eta, hartara, irakiar tropen helburu nagusi bilakatu zen.
“The imitation game”
Alan Turing britainiar matematikari entzutetsuak ekarpen berebizikoa izan zuen II. Mundu Gerraren amaiera, nazien kode ezkutuak argitu baitzituen. Geroago, film honetan Benedict Cumerbatchek gorpuzten duen pertsona auzipetu egin zuten, homosexuala izatea egotzita.
“Selma”
Izendapenetako ezustekoetako batek Martin Luther Kingek gizarte eskubideen alde egindako lana kontatzen du, Selma eta Montgomery hirien artean 1965. urtean eginiko martxei begiratuta. Luter Kingez gain, James Bevel eta Hosea Williams izan zituzten buru ibilaldi horiek.
“The theory of everything”
Stephen Hawkingen bizitzari buruzko filmak zientzialariaren eta Jane haren lehen emazteak izan zuten harremana du ardatz. Eddie Redmaynek maisuki gorpuzten duen pertsonaiari orduan atzeman zioten medikuek pairatzen duen gaixotasun degeneratiboa.
“Whiplash”
Akademiaren sarien 88. edizio honetan zinema independenteak sartu duen ordezkari bakarrenetakoak jazz bateria izateko Ekialdeko Kostako Musika Ikastegian ikasten ari den gizon baten eta haren irakasle zurrunaren arteko harremana du hizpide.
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.