Oscar Sariak gertutik jarraitzeko gida
Zinearen gau garrantzitsuena hasteko ordu gutxi falta direnean, Oscar Sarien inguruko xehetasun eta bitxikeria guztiak bildu ditugu gida honetan.
Noiz?
Sari-banaketa jarraitzeko nahitaezkoa izango da igandetik astelehenera gaupasa egitea. Gure 2:00etan hasiko da ekitaldia, eta ez da 6:00ak baino lehen amaituko. Izarrak Dolby Antzokian nola sartzen diren ikusteko, 23:45etan irekiko dute alfonbra gorria. Horren guztiaren berri zuzenean emango dugu eitb.eus-en. Horrez gain, ABC telebista kateak munduko 225 herrialdeetara eramango du sari-banaketa. Beste aukera bat, Zine Akademiaren Youtubeko portalean jarraitzea.
Nor?
Neil Patrick Harris 41 urteko aktorea izango da aurtengo gidaria. Eskarmentu handiko aurkezlea bada ere, aurrenekoz egingo du gidari lana Oscar Sarietan. Iaz, Ellen DeGeneres aurkezleak datu izugarri onak lortu zituen (AEBn 43 milioi pertsonak jarraitu zuten emanaldia). DeGeneresek hainbat izarrekin igotako argazkiak, gainera, marka guztiak hautsi zituen Twitterren: 32,8 milioi pertsonek partekatu zuten argazkia.
Neil Patrick Harris, ekitaldia aurkezteko prest. Argazkia: ABC
?How i met your mother? telesailari esker ezagutu genuen Patrick Harris. Ez du aurten izendapenik lortu, baina David Fincherren ?Gone Girl? pelikulan agertzen da. Azken orduetan, ahoskatze ariketak egin ditueta eta ?urduri? dagoela aitortu du, inoiz izan den eszenatoki handienean lau orduz egingo duen lanaren aurrean.
Musika
Lady Gaga eta Adam Levine (Maroon 5 taldeko abeslaria) izango dira musika arloan protagonistak. Gagak sei Grammy Sari ditu etxean, eta aurtengo emanaldian ?omenaldi berezi bat? egingo duela aurreratu du. Taula gainera igoko dira ere Jack Black, Common, Jennifer Hudson, Anna Kendrick, John Legend, Tim McGraw, Rita Ora eta Tegan & Sara.
Non?
2002ko martxotik aurrera, Dolby Antzokiak hartu izan ditu Oscar Sariak. Hollywood and Highland aisialdi gunean dago, Kalifornian. Aurten ere, Craig Zadan eta Neil Meron izango dira ikuskizunaren arduradun nagusiak.
Faboritoak
Bi dira sari gehien etxera eramateko aukera duten filmak: ?Birdman? eta ?The Grand Budapest Hotel? pelikulek bederatzi izendapen pilatu dituzte, tartean, pelikula onenari, zuzendari onenari edo gidoi onenari ataletakoak. ?The Imitation Game? filma ere saridunen artean egon liteke, zortzi aipamen lortu ondoren. ?Boyhood? eta ?American Sniper?, sei izendapenekin, faboritoen zerrendan daude ere, AEBko enkante etxe garrantzitsuenek jakitera eman dutenez. Saria jasotzera igo daitezkeen izarren artean, Emma Stone, Meryl Streep, Bradley Cooper edota Ethan Hawke daude, besteak beste.
Sariak banatuko dituztenak
Iaz, ezustean, Michelle Obamak iragarri zuen film onenari saria. Aurtengoan, sariak banatuko dituztenen izen-abizenak jakinarazi ditu Zine Akademiak: Ben Affleck, Jennifer Aniston, Chris Evans, Scarlett Johansson, Jared Leto, Nicole Kidman, Shirley MacLaine, Matthew McConaughey, John Travolta, Oprah Winfrey edota Dakota Johnson, beste askoren artean.
Bitxikeriak
Alfonbra gorria esaten diogu, baina ez alfonbra eta ezta gorria ere. Granate koloreko moketa bat da izarrek igandean zapalduko dutena. Bost egun hartzen dituzte beharginek antzoki aurreko 4.200 metro koadroak estaltzeko.
Ekitaldiari begira, 5.000 lagun aritzen dira ikuskizuna prestatzen. Oraingoan, euria izateko arriskua da antolatzaileen kezka nagusia (aurreikuspenen arabera, euria botatzeko aukera % 40koa da). Alfonbra gorriko ibilbide osoa karpekin estaltzea aztertzen ari dira antolatzaileak.
Alfonbra gorriko alde bietan 400 pertsona izango dira izarren sarrera jarraitzen. Zozketa bidez lortu dituzte eserlekuak.
Bestalde, bai alfonbra gorrian eta baita publikoan ere, figuranteak jarriko dituzte, hutsuneak betetzeko.
Oscar sariak 34 zentimetro neurtu eta lau kilo pisatzen ditu. Diseinuari eutsi dio urteetan zehar, nahiz eta aldaketa txiriren bat egin dioten.
Zure interesekoa izan daiteke
Brigitte Bardot aktore frantziarra hil da, 91 urte zituela
Aktore eta abeslaria Frantziako zinemaren ikonoa eta 1950eko eta 1960ko hamarkadetako ikur erotikoa izan zen.
“Salitre” Nagore Aranburu protagonista duen pelikula filmatzen bukatu dute
Norma Vila bilbotarraren lehen film luzea “ama-alaba batzuen arteko harremanaren kontakizun makurra da, drama intimoaren eta beldur psikologiko eta fisikoaren artean mugitzen dena”.
Honelakoa da "Aro berria", zinemetan ikusgai den Irati Gorostidiren filma
Aro berria EITBren parte-hartzea duen filma bigarren astea egiten ari da zinema aretoetan; Irati Gorostidiren filma Gasteizen, Bilbon, Bermeon, Galdakaon, Donostian, Errenterian, Irunen, Altsasun eta Iruñean dago ikusgai. Donostiako Zinemaldiko New Directors sailean aipamen berezia jaso zuen filmaren sekuentzia bat aurreratzen dizugu Orainen, primizian.
EZAEk Zinemaren Euskal Festa ospatuko du larunbat honetan
Ekimenak publikoarekin loturak indartzea eta zinema-aretoen balio kulturalaren aitortza bultzatzea du helburu. Sarrera guztiak 3 euroko prezio sinbolikoan eskainiko dira.
Ikusi primizian "El mal" Bajo Ulloaren film berriaren trailerra
EITBren parte hartzea duen filmean, inoizko hiltzaile handienari buruzko liburu bat idazteko proposamena jasoko duen kazetari baten istorioa kontatzen du Juanma Bajo Ulloa zinemagile gasteiztarrak.
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.