De Juana Auzitegi Nazionalaren esku uztea onartu du Irlandak
Iñaki de Juana Chaos ETAko preso ohia Espainiako Justiziaren esku uztea erabaki du Irlandak. Eloy Velasco Auzitegi Nazionaleko epaileak terrorismoa goratzea delitua leporatzen dio De Juanari.
Azaroaren 28tik egindako bosgarren auzi saioan Thomas Burgess epaileak Chaos Espainiako Auzitegiaren esku uztea erabaki du. Urte horretako abuztuaren 28an bere omenez Donostian egin zen ekitaldian berak&' || 'nbsp; gutun batean -Chaosek ez zuen omenaldian parte hartu- ustez ''Aurrera bolie'' esaldia idatzita terrorismoa goratu zuela uste du Velasco epaileak. Hain justu, Domingo Iturbe ''Txomin'' ETAko buruzagiak borroka armatuari dei egiteko esaten zuen esaldia dela dio Auzitegi Nazionalako magistratuak. Ulsterreko epailearen esanetan, Chaosek hitzok Erresuma Batuan esan izan balitu delitua izango litzateke Terrorismoaren aurkako Lege britainiarraren arabera.
Duela urtebete ireki zuen Burgessek estradizioaren bidea, ANko magistratuaren akusazioa aintzat hartuta. Espetxean eman dituen 21 urteren ondorioz, (3.000 urteko espetxe zigorra ezarri zioten 25 hilketa burutzea egotzita) estresak jota dagoela argudiatu zuen orduan De Juana Chaosen defentsak. Espainiara eramanez gero, De Juanak berriro ere (zenbait artikulutan heriotza mehatxuak egin zituela leporatu ziotenean egin zuen baraualdia) gose grebari ekin ahal diola eta ondorioz hiltzeko arriskua dagoela adierazi zuen. Azaroan egin zuten azken auzi saioan, De Juanak trauma baten ondorengo estresa, depresioa eta nekea zuela esan zuen psikiatra britainiar batek.
Helegite prozesua, martxan
De Juana Chaos Espainiaren esku geratzeko prozesua abian bada ere, helegiteen prozesu luzea irekiko da orain. Hain justu, Belsfasteko Auzitegi Nagusian (High Court) irekiko da helegite prozesua. Auzitegi horrek De Juanaren eskaera errefusatuko balu, beste bide bat izango luke Londresko Auzitegi Gorenean.
Non dago Jon?
Duela 16 hilabete abiatutako prozesuaren ondotik, Langansiden (Belfast, Ipar Irlanda) agertu da gaur de Juana Chaos Espainiaren esku utziko duten jakiteko. 2008ko udatik bizi da ETAko preso ohia Ulsterreko hirian. Bere abokatuekin eta Irati Aranzabal bikote lagunarekin agertu da Chaos, Non dago Jon? (Jon Antza desagertutako ETAko kidea gogoratuz) galdera zuen kamiseta soinean jantzita.
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.